12 სექტემბერს ესპანეთის ლა ლიგის III ტურის 4 შეხვედრა გაიმართა.მადრიდის "რეალმა" ბარსელონაში "ესპანიოლი" 6:0 გაანადგურა. ფენომენალურად ითამაშა კრიშტიანო რონალდომ, რომლის ანგარიშზეც ხუთი გოლი და საგოლე პასია. ამ პენტა ტრიკით რონალდომ რაულს გაუსწრო და ლა ლიგაში "რეალის" საუკეთესო ბომბარდირი გახდა 229 გოლით.
რაფა ბენიტესი (რეალი): "როცა გუნდი ასე იგებს, ლაპარაკის ხალისზე ვარ. უნდა აღვნიშნო რონალდოს 5 გოლი. ციფრები თავისას ამბობენ, რონალდომ უკვე ჩაწერა თავისი სახელი ფეხბურთის ისტორიაში".
იხილეთ ვიდეო
"ვალენსიამ" ხიხონში "სპორტინგი" პაკო ალკასერის გვიანი გოლის წყალობით დაამარცხა - 1:0.
ლიონელ მესი ვერ მოხვდა "ბარსელონას" ძირითად შემადგენლობაში, რადგან ის გვიან დაბრუნდა სანაკრებო მატჩებიდან და თან მეორე ვაჟი შეეძინა და თითქმის არ უვარჯიშია.
ანგარიში მეორე ტაიმში ფერნანდო ტორესმა გახსნა, რომელმაც მე-10 გოლი გაიტანა კარიერაში "ბარსას" კარში.
მის გოლს უმალ ბრწყინვალე საჯარიმო დარტყმით უპასუხა ნეიმარმა. შემდეგ კი იყოჩაღა შეცვლაზე გამოსულმა მესიმ, რომელმაც გამარჯვების გოლი თავის ახალდაბადებულ შვილს უძღვნა.
იხილეთ ვიდეო
ესპანიოლი-რეალი 0:6
გოლები: 0:1რონალდო (7), 0:2 რონალდო (17-პენ), 0:3 რონალდო (20), 0:4 ბენზემა (28), 0:5 რონალდო (61), 0:6 რონალდო (81)
სპორტინგი-ვალენსია 0:1
გოლი: 0:1 პ. ალკასერი (91)
ატლეტიკო-ბარსელონა 1:2
გოლები: 1:0 ფ. ტორესი (51), 1:1 ნეიმარი (55), 1:2 მესი (77)
ბეტისი-სოსიედადი 1:0
გოლი: 1:0 რ. კასტრო (41)
გაძევება: პეტროში (45. ბეტისი)
1. ბარსელონა - 9 ქულა; 2. რეალი - 7; 3. სელტა - 6;. 4. ეიბარი - 6; 5. ატლეტიკო - 6.
