ესპანური მედიის ცნობით, მადრიდის "რეალი" ძალიან ახლოსაა ურუგვაელი სენსაციის, 18 წლის როდრიგო ბენტანკურის შეძენასთან. საქმე ისაა, რომ "რეალი" და "მანჩესტერ იუნაიტედი" მოლაპარაკებას იწყებენ ხამეს როდრიგესის ტრანსფერზე. ასეთ შემთხვევაში "ბოკა ხუნიორსის" ნახევარმცველი მის შემცვლელად განიხილება და "რეალი" მზადაა, მასში 10 მილიონი ევრო გადაიხადოს. ბენტანკური ახალგაზრდული ასაკის მიუხედავად, უკვე "ბოკას" ძირითადის ფეხბურთელია, მან 19 მატჩი გამართა ბოლო სეზონში.
"მარკა" თავად ფეხბურთელს დაუკავშირდა, რომელიც საკმაოდ თავმდაბალი ბიჭი აღმოჩნდა, ბენტანკურმა კარგად იცის, რომ ჯერ არაფერს წარმოადგენს მსოფლიო ფეხბურთში.
- "რეალი" თქვენით სერიოზულად დაინტერესდა, რას
- ჩემი აგენტისა და პრესის მეშვეობით გავიგე ამის შესახებ. ძალიან დიდი პატივია ჩემთვის, რომ "რეალი" ჩემით დაინტერესდა. მაგრამ მინდა განვაცხადო, რომ ოფიციალური შეთავაზება ესპანეთიდან არ ყოფილა. არაფერია კონკრეტული.
- მაგრამ ამას წინ ბევრიც არაფერი უდგას...
- არ ვიცი, რაც ნამდვილად ვიცი, მე "ბოკას" ვალში ვარ. ორი წლით კიდევ ამ კლუბს ვეკუთვნი და ჩემი მიზანი, "ბოკასთვის" ვიბრძოლო.
- რომ მოხდეს ეს ტრანსფერი, შეეგუებით თავიდან რეზერვებში თამაშს?
- ჩემი გუნდი "ბოკაა", მაგრამ ასეთი რამ რომ მომხდარიყო, თავიდან დუბლებში თამაში პრობლემა არ იქნებოდა.
- ევროპაში, რომელი ლიგა და კლუბი მოგწონთ?
- პრემიერლიგა და "მანჩესტერ იუნაიტედი".
- და ესპანეთში?
- "რეალი" და "ბარსელონა".
ყოველდღიური სპორტული გაზეთი "ლელო"
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
