ლა ლიგა. XXIV ტურის ფაქტები და სტატისტიკა: მესი - საჯარიმოების უბადლო ოსტატი

* პაკო ხემესის "რაიო ვალეკანოში" მისვლის შემდეგ ამ კლუბმა ესპანეთის ჩემპიონატში ყველაზე მეტი (41) ისეთი შეცდომა დაუშვა, რომელმაც მეტოქეთა გოლები გამოიწვია.

* ხოსაბედს მიმდინარე ლა ლიგაში 9 გოლი უგროვდება და იგი ყველაზე შედეგიანი ესპანელი ნახევარმცველია.

* ხამეს როდრიგესის "რეალში" გადასვლის დღიდან კოლუმბიელს ევროპის წამყვან 5 ჩემპიონატში ყველაზე მეტი (9) გოლი აქვს საჯარიმოს გარედან გატანილი.

* ტონი კროოსს "ბერნაბეუზე" სულ 2 გოლი აქვს გატანილი და ორივეჯერ კრიშტიანო რონალდოს პასით.

* "ვილიარეალს" 9 საშინაო მატჩია, არ წაუგია - 7 მოგება, 2 ფრე. აქედან ბოლო 6 თამაშში "ყვითლებს" გოლიც არ გაუშვიათ.

* 2016 წელს "ვილიარეალს" კარი 5-ჯერ აქვს კარი მშრალად შენახული და ამ მხრივ, ლა ლიგაში საუკეთესოა.

* "ვალენსიამ", როგორც იქნა, მოიგო 2015 წლის 7 ნოემბრის მერე და უიღბლო სერია შეწყვიტა. "ესპანიოლთან" მატჩის პირველ ტაიმში "ღამურებმა" 10-ჯერ დაარტყეს მეტოქის კარში.

* ლუკას პერესი "დეპორტივოს" ერთადერთი ფეხბურთელია, რომელსაც მიმდინარე სეზონში ერთ მატჩში ორი საგოლე პასი აქვს გაკეთებული.

* "სოსიედადის" ოიარზაბალმა ლა ლიგაში პირველად შეძლო დუბლის შესრულება. ბასკებმა კი ამ სეზონში პირველად მოახერხეს მიყოლებით სამი თამაშის მოგება.

* "სევილია" შვიდი საშინაო მატჩია, პირველ ტაიმში გოლს არ უშვებს.

* "სევილიას" მაისურით ესპანეთის ჩემპიონატში გატანილი 7 გოლიდან 6 ევერ ბანეგას "რამონ სანჩეს პისხუანზე" აქვს შეგდებული.

* ბორხა ბასტონი 16 ბურთით არის ყველაზე შედეგიანი ესპანელი ფეხბურთელი ევროპის 5 წამყვან ჩემპიონატში.

* იანიკ ფერეირა-კარასკო "ატლეტიკოს" ერთადერთი ფეხბურთელია ამ სეზონში, ვინც 100-ზე მეტი დრიბლინგი სცადა.

* ევროპის 5 წამყვან ჩემპიონატში "ატლეტიკომ" ყველაზე მეტჯერ (15) შეინახა კარი მშრალად მიმდინარე სეზონში.

* ლიონელ მესის ლა ლიგაში ყველაზე მეტი გოლი აქვს მიმდინარე სეზონში პირდაპირ ჯარიმიდან გატანილი, კერძოდ კი - 5.

* "კამპ ნოუზე" ჩემპიონატის ბოლო 5 მატჩში ლუის სუარესს 10 გოლი აქვს გატანილი.

* გოლთან მიმართებაში მოპოვებულ ქულას თუ ავიღებთ, "ვილიარელს" საშუალოდ გოლზე 1,6 ქულა გამოსდის. ამით ევროპის 5 წამყვან ჩემპიონატში მეორე ადგილზეა და მხოლოდ "ინგოლშტადს" ჩამორჩება, რომელსაც თითოეულ გოლზე 1,86 ქულა გამოსდის.

ყოველდღიური სპორტული გაზეთი "ლელო"