ლა ლიგა: მესის მე-300, "ბარსას" 31-ე [VIDEO]

* ლიონელ მესიმ ლა ლიგაში მე-300 გოლი გაიტანა. ლეოს 334 მატჩში 301 გოლი აქვს გატანილი.

* "ბარსელონამ" ზედიზედ მე-7 მატჩი მოიგო პრიმერა დივიზიონში.

* "ბარსას" რეკორდული წაუგებელი სერია 31 მატჩამდე გაგრძელდა. ბოლოს კატალონიურმა გუნდმა 3 ოქტომბერს "სევილიასთან" წააგო.

საოცარია, მაგრამ ფაქტია - აბელარდო ფერნანდესმა სწორედ "ბარსელონასთან" დაასვენა მოწინავე ფეხბურთელები და ბუნებრივია, წააგო - 1:3.

ლიონელ მესიმ დუბლით ლა ლიგაში 300-გოლიან ზღვარს უწია და გადაცდა კიდეც. ლუის სუარესმა კი გოლს ორი საგოლე პასი და გაცუდებული პენალტი მიაყოლა.
"ბარსელონამ" ამ მოგებით 6 ქულამდე გაზარდა მადრიდის "ატლეტიკოსთან" უპირატესობამ ხოლო "რეალთან" სხვაობა უკვე 7 ქულაა, ლიდერები თამაშებით გაუტოლდნენ ერთმანეთს.

25-ე წუთზე ლეომ გოლი საჯარიმოს გარედან გაიტანა, სწორედ ეს გოლი გახლდათ საიუბილეო მე-300. მაგრამ 2 წუთში "სპორტინგმა" გაათანაბრა. მენენდესმა შორეულ ძელთან ჩააწოდა და კარლოს კასტრომ ახლო მანძილიდან გაიტანა. 31-ე წუთზე სუარესმა მესის დაუგორა და "ბარსა" ისევ წინ გავიდა.

მეორე ტაიმში ხიხონელთა კარში პენალტი დაინიშნა, ბურთთან ლეოს ნაცვლად ბომბარდირთა დავის ლიდერი სუარესი მივიდა და კუელიარმა აჯობა დუელში ურუგვაელს. 67-ე წუთზე სუარესმა სეზონის 24-ე გოლი მაინც გაიტანა, მან ბურთი ალეიშ ვიდალისგან მიიღო და მარჯვენა კუთხიდან გაიტანა - 1:3.

სპორტინგი-ბარსელონა 1:3
გოლები: 0:1 მესი (25), 1:1 კ. კასტრო (27), 1:2 მესი (31), 1:3 ლ. სუარესი (67)
სპორტინგი (4-2-3-1): კუელიარი - ლორა, ლიხნოვსკი, მერე, კანელია - მასკარელი, კასესი - პ. პერესი (68. ი. ლოპესი), ჰალილოვიჩი, მენენდესი (73. ა. ბარერა) - კ. კასტრო (67. ხონი)
ბარსელონა (4-3-3): ბრავო - ა. ვიდალი, პიკე (80. ბარტრა), მატიო, ადრიანო - რაკიტიჩი, ბუსკეტსი (79. მასკერანო), არდა თურანი - მესი, ლ. სუარესი, ნეიმარი
შენიშვნა: სუარესმა ვერ გაიტანა პენალტი (62)
გაფრთხილება: მერე, კანელია - ბუსკეტსი
კუთხური: 1-4; ჯარიმა: 11-7; თამაშგარე: 0-2; კარში დარტყმა: 6-17 (2-8); ბურთის ფლობა: 23%-77%.
მაყურებელი: 28 140

ბომბარდირები: 24 - ლუის სუარესი (ბარსელონა); 21 - კრიშტიანო რონალდო (რეალი); 19 - ქარიმ ბენზემა (რეალი); 17 - ნეიმარი (ბარსელონა); 16 - ბორხა ბასტონი (ეიბარი); 15 - ლიონელ მესი (ბარსელონა); 14 - ლუკას პერესი (დეპორტივო).

ყოველდღიური სპორტული გაზეთი "ლელო"