ლა ლიგა. XXXVI ტური: სტატუს-კვო "ბარსელონას" სასარგებლოდ [VIDEO]

ტურის ფაქტები

* ხიხონის "სპორტინგის" მეკარე ივან კუელიარმა ამ ტურში საგოლე პასი ჩაიწერა აქტივში.

* ანდრეს ინიესტამ პრიმერაში 387 მატჩი ითამაშა და ვიქტორ ვალდესს დაეწია. "ბარსელონაში" მის წინ მხოლოდ ჩავი (505), კარლეს პუიოლი (392) და მიგელი (391) არიან.

* ივან რაკიტიჩმა პრიმერაში მე-100 მატჩი მოიგო. ასეთი რამ აქამდე მხოლოდ ერთ ხორვატს ჰქონდა შესრულებული - დავორ შუკერს (105).

* გარეთ ბეილი ყველაზე პროდუქტიულია ლა ლიგაში - ის ყოველ 57 წუთში ერთხელ გოლით ან საგოლე პასით ეხმარება თავის გუნდს.

* ლიონელ მესიმ 2016 წელს 15 საგოლე პასი გააკეთა, ყველაზე მეტი ევროპის ტოპ-5 ლიგაში.

* "ვილიარეალი" ისტორიაში მე-4-ედ ითამაშებს ჩემპიონთა ლიგაზე.

* "ვილიარეალმა" ვალენსიური დერბი "მესტალიაზე" 2007 წლის მერე (3:0) პირველად მოიგო.

* რობერტო სოლდადომ ამ სეზონში 10-ჯერ ითავა ასისტენტობა. ეს კი "ვილიარეალის" ისტორიაში სეზონში მეორე საუკეთესო შედეგია.

* საოცარია, მაგრამ ფაქტია, ევროპის ტოპ-5 ლიგაში მხოლოდ "სევილიამ" ვერ შეძლო სტუმრად გამარჯვება მთელი სეზონის განმავლობაში.

* 2003 წლის მერე პირველად, "ესპანიოლმა" ერთ თამაშში სამჯერ მოარტყა ბურთი ძელს.

* 35 და მეტ გოლს ერთ სეზონში შემდეგმა ფეხბურთელებმა უწიეს: ლუის სუარესმა, ლიონელ მესიმ (3-ჯერ), კრიშტიანო რონალდომ (3), უგო სანჩესმა, ბალტაზარმა და ზარამ.

* 35 გოლი და მეტი "ბარსელონას" მაისურით სუარესამდე მხოლოდ მესიმ გაიტანა ერთ სეზონში.

* ლიონელ მესიმ ლა ლიგაში 126 საგოლე პასი გააკეთა, 50-ით მეტი, ვიდრე კრიშტიანო რონალდომ.

* ამ სეზონში ყველაზე ხშირად "ბარსელონას" მეტოქეებს აძევებენ - 9 შემთხვევა.

* ამ სეზონში ყველაზე მეტი გამარჯვების გოლი ანტუან გრიზმანმა გაიტანა - 11.

* როცა ლუკას ვასკესი სასტარტო შემადგენლობაშია, "რეალი" არასოდეს აგებს.

* გარეთ ბეილმა მეცხრედ გაიტანა ამ სეზონში გოლი თავით, ყველაზე მეტჯერ ტოპ-5 ლიგაში.

ამ ტურმა სტატუს-კვო შეუნარჩუნა ლა ლიგას, მაგრამ მთლად ასეც ნუ ჩავთვლით - ახლა ლიგის დასრულებამდე მხოლოდ ორი ტური რჩება, "ბარსელონას" მხოლოდ ორი მატჩის მოგება აშორებს ჩემპიონის ტიტულის შენარჩუნებას.

"ისეთი შთაბეჭდილება იქმნება, თითქოს, არ გსურთ ლა ლიგის მოგება", - ეს საყვედური "ბარსელონას" ფეხბურთელებს ეკუთვნით და მისი ავტორი არა ვინმე კრიტიკოსია, არამედ თავად ლუის ენრიკე. როგორც ჩანს, კატალონიელთა ბანაკში ყველაფერი ჯერ არ დალაგდა, თუმცა რჩება მხოლოდ ორი მატჩის მოგება.

"გრანოტამ" მომდევნო ტურში უნდა დაამარცხოს "ესპანიოლი" დერბიში და ბოლოს სტუმრად მოუგოს "გრანადას". თავისუფლად შეიძლება ასე მოხდეს და მადრიდულ კლუბთა მოწადინებას აზრი დაეკარგოს.

მოიგო ორივე მდევარმა, "ატლეტიკო" კვლავ გაუთანაბრდა ქულებით "ბარსას", "რეალი" კი ერთით ჩამორჩება. ახლახან თქვეს, როცა კრიშტიანო რონალდო არ არის, გარეთ ბეილი ერთ ნაბიჯს დგამს წინო - ვფიქრობთ, არის ამაში სიმართლის მარცვალი - სწორედ უელსელის თავურმა მოაგებინა "რეალს" "ანოეტაზე".

ხოლო "ატლეტიკოს" გმირი ანტუან გრიზმანი იყო. ამ შემთხვევაში კი საკამათო არაფერია - ფრანგი მართლაც პირველი ვარსკვლავია დიეგო სიმეონეს გუნდისთვის.

მის ანგარიშზე უკვე 21 გოლია, რომელთაგანაც 11 (!) გამარჯვებისა გამოდგა, როგორც ახლახან დერბიში "რაიო ვალეკანოს" წინააღმდეგ.

XXXVI ტური
29 აპრილი
სპორტინგი-ეიბარი 2:0
გოლები: 1:0 კარმონა (43), 2:0 ხონი (81)
სპორტინგი ხ. (4-2-3-1): კუელიარი - ლორა, ლ. ერნანდესი, მერე, ი. ლოპესი - ს. ალვარესი, ნ. კასესი - კარმონა (68. მენენდესი), ჰალილოვიჩი (65. კ. კასტრო), ხონი - სანაბრია (78. გერერო)
ეიბარი (4-2-3-1): რიესგო - კაპა, სანტოსი, რამისი, ლუნა (85. გაიოსო) - დ. გარსია, ესკალანტე (74. ინუი) - ხოტა, ადრიანი, ჰაიროვიჩი (63. ბასტონი) - ენრიჩი
გაფრთხილება: ლოპესი, გერერო - ადრიანი, კაპა
კუთხური: 1-5; ჯარიმა: 16-17; თამაშგარე: 2-2; კარში დარტყმა: 3-12 (3-6); ბურთის ფლობა: 45%-45%.
მაყურებელი: 26 035

30 აპრილი
სოსიედადი-რეალი 0:1
გოლი: 0:1 ბეილი (80)
რეალ სოსიედადი (4-3-3): რული - ზალდუა, ელუსტონდო, ა. გონსალესი, ი. ბერჩიჩე (85. ლიტრი) - ილიარამენდი, ბერგარა (65. დ. რეიესი), ზურუტუზა - ჩაბი პრიეტო, ოიარზაბალი, ბრუმა (76. ჟონათასი)
რეალი (4-3-3): კ. ნავასი - დანილო, ვარანი, ს. რამოსი, ნაჩო - მოდრიჩი (85. კობაჩიჩი), კაზემირო, ხ. როდრიგესი (73. ისკო) - ბეილი, მაიორალი (65. ხესე), ლ. ვასკესი
გაფრთხილება: ილიარამენდი, ბერგარა, პრიეტო, ზალდუა - ბეილი, რამოსი, ნაჩო, მოდრიჩი
კუთხური: 6-6; ჯარიმა: 15-17; თამაშგარე: 2-3; კარში დარტყმა: 11-18 (4-6); ბურთის ფლობა: 45%-55%.
მაყურებელი: 26 426

ატლეტიკო-ვალეკანო 1:0
გოლი: 1:0 გრიზმანი (55)
ატლეტიკო (4-4-2): ობლაკი - ხუანფრანი, ხ. ხიმენესი, ლ. ერნანდესი, გამესი - თომასი, გაბი (46. კოკე), კრანევიტერი, ო. ტორესი (55. გრიზმანი) - ა. კორეა, ვიეტო (54. ფ. ტორესი)
რაიო ვალეკანო (4-4-2): ხუან კარლოსი - ქუინი, ამაია (64. მანუჩო), კრესპო, ტიტო - ემბარბა, ხოსაბედი, დ. ლორენტე, ბებე (58. პიტი) - გერა, მიკუ
გაფრთხილება: კრანევიტერი - ბებე
კუთხური: 5-7; ჯარიმა: 14-12; თამაშგარე: 6-0; კარში დარტყმა: 12-13 (6-3); ბურთის ფლობა: 38%-62%.
მაყურებელი: 49 263

ბეტისი-ბარსელონა 0:2
გოლები: 0:1 რაკიტიჩი (50), 0:2 ლ. სუარესი (81)
ბეტისი (4-2-3-1): ადანი - გონსალეს კაბრერა, პეცელა, ვესტერმანი, მონტოია - პეტროში, ნ'დიაი - სეხუდო, ხოაკინი (55. მუსონდა), სებალიოსი (69. პორტილიო) - რ. კასტრო (79. ვან ვოლფსვინკელი)
ბარსელონა (4-3-3): ბრავო (88. ტერ შტეგენი) - დ. ალვეში (74. ს. რობერტო), პიკე, მასკერანო, ალბა - რაკიტიჩი (86. არდა თურანი), ბუსკეტსი, ინიესტა - მესი, ლ. სუარესი, ნეიმარი
გაფრთხილება: ბორხა, ვესტერმანი, პეტროში, სებალიოსი - პიკე, მესი, ალვეში
გაძევება: ვესტერმანი (35)
კუთხური: 2-4; ჯარიმა: 9-11; თამაშგარე: 2-3; კარში დარტყმა: 2-11 (1-4); ბურთის ფლობა: 27%-73%.
მაყურებელი: 44 015

გრანადა-ლას პალმასი 3:2
გოლები: 0:1 ვიერა (3), 0:2 ვიერა (12), 1:2 როჩინა (13), 2:2 ელ-არაბი (22), 3:2 რ. კოშტა (71)
გრანადა (4-2-3-1): ა. ფერნანდესი - ლოპეში, ლომბანი, რ. კოშტა, ბირაგი - დუკურე, რ. პერესი (90. კრჰინი) - პენიარანდა (64. ბარალი), როჩინა (74. ფ. რიკო), კუენკა - ელ-არაბი
ლას პალმასი (4-2-3-1): რაული - სიმონი, აიტამი, ბიგასი, გარიდო - მესა (83. ანხელი), მონტორო (70. ერნანი) - პლასერესი, ვიერა, ვაკასო (77. მომო) - არაუხო
გაფრთხილება: პენიარანდა, კოშტა, პერესი - ვაკასო, პლასერესი
კუთხური: 4-3; ჯარიმა: 11-9; თამაშგარე: 3-1; კარში დარტყმა: 14-12 (5-6); ბურთის ფლობა: 36%-64%.
მაყურებელი: 21 291

1-ლი მაისი
ბილბაო-სელტა 2:1
გოლები: 0:1 ორელიანა (13), 1:1 ადურისი (38-პენ), 2:1 რაულ გარსია (72)
ბილბაო (4-2-3-1): ირაისოსი - დე მარკოსი, ბოვედა, ეჩეიტა (59. იტურასპე), ბალენზიაგა - სან ხოსე, ბენიატი - სუსაეტა, რაულ გარსია, მუნიაინი (59. ვილიამსი) - ადურისი (86. ვიგერა)
სელტა (4-2-3-1): ს. ალვარესი - მალიო, კაბრალი, გომეს სოლა, ხონი - მ. დიასი (69. პლანასი), ვასი (82. გუიდეტი) - ორელიანა, პ. ერნანდესი, ნოლიტო - ასპასი (55. რადოია)
გაფრთხილება: გარსია - დიასი, კაბრალი, ორელიანა, ერნანდესი
გაძევება: კაბრალი (40)
კუთხური: 7-2; ჯარიმა: 12-19; თამაშგარე: 1-7; კარში დარტყმა: 10-5 (2-2); ბურთის ფლობა: 57%-43%.
მაყურებელი: 42 362

ესპანიოლი-სევილია 1:0
გოლი: 1:0 კაისედო (52)
ესპანიოლი (4-3-3): პაუ ლოპესი - რ. კორეა (69. კანიასი), ა. გონსალესი, როკო, რ. დუარტე - ვ. სანჩესი, ო. დუარტე, დიოპი - ე. პერესი (79. ვ. ალვარესი), კაისედო (63. მორენო), ასენსიო
სევილია (4-2-3-1): ს. რიკო - ფიგეირაში, ფასიო, კოლოძეიჩაკი (46. პარეხა), მატოს გარსია - კოტანი, კრისტოფორო - კოკე (61. კონოპლიანკა), იბორა, ფ. სანჩესი - ფ. ლორენტე (69. ნ'ზონზი)
გაფრთხილება: კანიასი, რ. დუარტე, გონსალესი - პარეხა, ფიგეირაში, იბორა
კუთხური: 4-2; ჯარიმა: 20-15; თამაშგარე: 3-1; კარში დარტყმა: 11-7 (7-0); ბურთის ფლობა: 42%-58%.
მაყურებელი: 27 654

დეპორტივო-ხეტაფე 0:2
გოლები: 0:1 პედრო ლეონი (41), 0:2 ვიგარაი (85)
დეპორტივო (4-4-2): მანუ - ლაურე (61. ხუანფრანი), არიბასი, სიდნეი, ფ. ნავარო (86. რიერა) - ფედე კარტაბია, მოსკერა, ბორხესი, ფახრი (61. კანი) - ლუის ალბერტო, ლ. პერესი
ხეტაფე (4-2-3-1): გუაიტა - ალონსო (70. კალა), ვერხინი, ვიგარაი, დ. სუარესი - მედრანი (80. ხ. როდრიგესი), ლასენი - პედრო ლეონი, სარაბია, მ. გომესი - ა. ვასკესი (57. შჩეპოვიჩი)
გაფრთხილება: ბორხესი, ნავარო - ლასენი, სარაბია, ვიგარაი, კალა, მედრანი, გომესი
გაძევება: ბორხესი (64)
კუთხური: 8-5; ჯარიმა: 7-19; თამაშგარე: 2-4; კარში დარტყმა: 15-11 (5-5); ბურთის ფლობა: 54%-46%.
მაყურებელი: 25 007

ვალენსია-ვილიარეალი 0:2
გოლები: 0:1 სამუელი (14), 0:2 ა. ლოპესი (33)
ვალენსია (4-3-3): დ. ალვეში - კანსელო, მუსტაფი, სანტოსი, სიკეირა - პარეხო, ფუეგო (70. ე. პერესი), ანდრე გომეში (76. პ. ალკასერი) - როდრიგო, ნეგრედო, მინა (59. ჩერიშევი)
ვილიარეალი (4-4-2): არეოლა - რუკავინა, მუსაჩო (70. რუისი), ბონერა, მარინი - სამუელი, რ. ერნანდესი (59. ბრუნო სორიანო), ტრიგეროსი, კასტილიეხო - სოლდადო (62. მარიო გასპარი), ა. ლოპესი
გაფრთხილება: ფუეგო - მუსაჩო, ერნანდესი
კუთხური: 9-3; ჯარიმა: 15-11; თამაშგარე: 0-3; კარში დარტყმა: 7-8 (1-3); ბურთის ფლობა: 56%-44%.
მაყურებელი: 38 283

2 მაისი
მალაგა-ლევანტე 3:1
გოლები: 1:0 ჩოპი (30), 1:1 მორალესი (42), 2:1 ჩოპი (89), 3:1 გ. კასტრო (93)
მალაგა (4-4-2): ოჩოა - როსალესი (11. ფილიპენკო), ალბენტოსა, მ. ტორესი, რიკა - ხუანპი (62. ატსუ), ნაჩო კამაჩო, ფორნალსი (72. დუდა), გ. კასტრო - ჩოპი, შარლესი
ლევანტე (4-4-2): მარინიო - პ. ლოპესი, მედჯანი, ფედალი, ხუანფრანი (86. ვერდუ) - კუერო, ვერსა, ხოსე მარი (80. კამარასა), მორალესი - ვ. კასადესუსი (68. დეივერსონი), ჯ. როსი
გაფრთხილება: ალბენტოსა, კამაჩო - კასადესუსი, ლოპესი, მარი, ხუანფრანი
კუთხური: 13-7; ჯარიმა: 18-10; თამაშგარე: 1-3; კარში დარტყმა: 21-11 (11-5); ბურთის ფლობა: 58%-42%.
მაყურებელი: 17 562

ბომბარდირები: 35 - ლუის სუარესი (ბარსელონა); 31 - კრიშტიანო რონალდო (რეალი); 25 - ლიონელ მესი (ბარსელონა); 23 - ქარიმ ბენზემა (რეალი), ნეიმარი (ბარსელონა); 21 - ანტუან გრიზმანი (ატლეტიკო); 19 - გარეთ ბეილი (რეალი); 18 - არიც ადურისი (ბილბაო)

მომდევნო ტური
8 მაისი:
რეალ სოსიედადი-რაიო ვალეკანო, რეალი-ვალენსია, ვილიარეალი-დეპორტივო, ხეტაფე-სპორტინგი, ეიბარი-ბეტისი, ბარსელონა-ესპანიოლი, სევილია-გრანადა, ლას პალმასი-ბილბაო, სელტა-მალაგა, ლევანტე-ატლეტიკო.

ყოველდღიური სპორტული გაზეთი "ლელო"