"მარკას" ინფორმაციით, "ბარსელონამ" უკვე გამონახა "დორტმუნდში" გაყიდული მარკ ბარტრას შემცვლელი - "ლას პალმასის" ურუგვაელი მცველი მაურისიო ლემოსი.კატალონიელები კანარისკუნძულელებს 4 მილიონ ევროს სთავაზობენ, რომელიც ბონუსებით შესაძლოა, კიდევ 8 მილიონით გაიზარდოს. "ლას პალმასი" კი პირდაპირ 12 მილიონს ითხოვს ყოველგვარი პირობის გარეშე.
შეგახსენებთ, რომ არცთუ დიდი ხნის წინათ ლემოსი საბა კვირკველიას მეწყვილე იყო ყაზანის "რუბინში". 20 წლის ლემოსმა პრიმერაში 10 მატჩში მიიღო მონაწილეობა.
ყოველდღიური სპორტული გაზეთი "ლელო"
