"ბარსელონას" გულშემატკივრებმა კარგი სიახლე შეიტყვეს. Mundo Deportivo-ს ცნობით, ლიონელ მესიმ, რომელმაც ტრავმის გამო ახლახან არგენტინის ნაკრების მატჩი გამოტოვა, 7 სექტემბერს კატალონიურ გუნდთან ერთად ვარჯიში განაახლა.არგენტინელმა ფეხბურთელმა საერთო ჯგუფთან ერთად, წვრთნის პირველ ნაწილში მიიღო მონაწილეობა, შემდეგ კი ვარჯიში ინდივიდუალური პროგრამით გააგრძელა.
ამრიგად, არაა გამორიცხული, მესიმ ესპანეთის ჩემპიონატის მესამე ტურში, "ალავესთან" შეხვედრაში თამაში შეძლოს. მატჩი 10 სექტემბერს, კატალონიური კლუბის მოედანზე გაიმართება.
