ესპანეთის ლა ლიგის 4 ტურის შემდეგ "ვალენსიას" ხელმძღვანელობამ მთავარი მწვრთნელის თანამდებობიდან პაკო აიესტარანი გაათავისუფლა. აღნიშნული ინფორმაცია კლუბმა ოფიციალურად გუშინ, 20 სექტემბერს დაადასტურა.როგორც კლუბის ოფიციალური საიტი იტყობინება, მწვრთნელის გათავისუფლების მთავარი მიზეზი ჩემპიონატში ნაჩვენები შედეგებია. შეგახსენებთ, რომ "ვალენსიამ" პირველ 4 ტურში 4 მარცხი განიცადა და შესაბამისად, ბოლო, მე-20 ადგილზეა.
მთავარი მწვრთნელის მოვალეობებს დროებით ვორო გონსალესი შეასრულებს. გავრცელებული ინფორმაციის თანახმად კი, კლუბის ხელმძღვანელობა მოლაპარაკებებების გამართვას რობერტო მანჩინისთან გეგმავს.
