მადრიდის "რეალის" თავკაცმა ჟოზე მოურინიომ ესპანურ გაზეთ AS-თან ინტერვიუში თავის ფეხბურთელ კრიშტიანუ რონალდოზე ისაუბრა. პორტუგალიელი სპეციალისტის თქმით, თავად მასაც უჭირს უპასუხოს კითხვას, თუ რომელი პოზიციის ფეხბურთელია მისი თანამემამულე."ვცდილობთ რონალდოს მოედანზე ისეთი პოზიცია ვუპოვოთ, რომ თავი უფრო კომფორტულად იგრძნოს. ამ საკითხზე დებატები მუდმივად მიმდინარეობს. არის ის თავდამსხმელი? არ მგონია, რადგან მისი მოქმედების სფერო გაცილებით ფართოა.
შესაძლოა ფლანგის მოთამაშეა... აქაც ეჭვი უნდა გამოვთქვა, რადგან ის ბომბარდირიცაა. რამდენი გოლი გააქვთ სეზონში ფლანგის მოთამაშეებს? რონალდო ყველა ამ თვისებას ერთად ფლობს", - განაცხადა მოურინიომ
.
