ესპანურმა სასამართლომ დაადასტურა, რომ "ბარსელონასა" და ბრაზილიის ნაკრების ვარსკვლავის, ნეიმარისა და მისი მამის წინააღმდეგ აღძრული საქმე, რომელიც გადასახადებისგან თავის არიდებას ეხება, დახურულია. ამ საქმეში ბრალდებულები იყვნენ "ბარსელონას" ამჟამინდელი და წინა პრეზიდენტებიც. ისინიც გათავისუფლებულები არიან სამართლებრივი დევნისაგან.
"ბარსელონამ" სახელმწიფოს სასარგებლოდ 5,5 მილიონი ევრო კომპენსაციის სახით გადაიხადა და საქმეც დაიხურა.
