ანტონიო კასანოს შემთხვევამ „მილანის“ მწვრთნელი მასიმილიანო ალეგრი და ხელმძღვანელობა საგონებელში ჩააგდო. ჩვენი იტალიელი კოლეგების ცნობით, ადრიანო გალიანიმ ზამთარში ახალი თავდამსხმელის ყიდვა მტკიცედ გადაწყვიტა და მწვრთნელთან შეთანხმებით სასურველი კანდიდატიც შერჩეული ჰყავს: „როსონერიმ“ „კატანიას“ არგენტინელ ფორვარდ მაქსი ლოპესს დაადგა თვალი.„თუ ეს სიმართლეა, მაშინ ვიტყვი, რომ „მილანის“ ინტერესი ჩემთვის დიდი პატივია. მოდით, მოვლენებს წინ ნუ გავასწრებთ და ვნახოთ, რა მოხდება იანვარში. ფაქტი ის არის, რომ დღეს ასი პროცენტით „კატანიაზე“ ვარ კონცენტრირებული,“ - განაცხადა 27 წლის თავდამსხმელმა „სქაისთვის“ მიცემულ ინტერვიუში.
როგორც ჩანს, „კატანიას“
მაქსი ლოპესი სიცილიაში 2010 წლის იანვარში, „გრემიოდან“ გადაბარგდა და იმ სეზონის მეორე ნახევარში 17 მატჩში 11 გოლის გატანა შეძლო, რითაც საფეხბურთო ევროპას თავი შეახსენა. მიმდინარე სეზონში მას შვიდ შეხვედრაში ორი გოლი აქვს გატანილი. შეგახსენებთ, რომ მანამდე არგენტინელი ცენტრფორვარდი „ბარსელონაში“, „მალიორკასა“ და „მოსკვაში“ თამაშობდა.
ყოველდღიური სპორტული გაზეთი "ლელო"
