ბრემენის „ვერდერმა“, როგორც იქნა, შეძლო და ვენის „აუსტრიადან“ სასურველი ფეხბურთელი, ავსტრიელი ნახევარმცველი ზლატკო იუნუზოვიჩი გადაიბირა. ეს ცნობა გუშინ ბრემენული კლუბის ოფიციალურ ვებ-გვერდზე დადასტურდა - „მუსიკოსები“ წარმოშობით სერბ ნახევარმცველს ყველაფერზე შეუთანხმდნენ.
„ვერდერის“ მთავარი მწვრთნელი თომას შააფი 24 წლის იუნუზოვიჩ ნიჭიერ ნახევარმცველად მოიხსენიებს - თომასი დარწმუნებულია, რომ ეს ფეხბურთელი „ვერდერის“ ნახევარდაცვას კიდევ უფრო მრავალმხრივს და არაპროგნოზრებადს გახდის.
ზლატკოს „ვერდერში“ სებასტიან პრიოდლისა და მარკო არნაუტოვიჩის სახით ავსტრიის ნაკრებიდან ორი თანაგუნდელი დახვდება.
ყოველდღიური სპორტული გაზეთი "ლელო"
