გერმანიის ჩემპიონატის მე-19 ტური 25 იანვარს საკმაოდ მნიშვნელოვანი მატჩით იხსნება: მესამე ადგილზე მყოფი მოქმედი ჩემპიონი დორტმუნდის "ბორუსია" "ნიურნბერგს" მასპინძლობს. დორტმუნდელებმა მეორე წრე ისე დაიწყეს, უკეთესად რომ არ შეიძლება - მე-18 ტურში იურგენ კლოპის გუნდმა "ვერდერი" მისსავე მოედანზე 5:0 გაანადგურა.
კლოპმა ამით დაპირება შეასრულა - გეხსომებათ, მეორე წრის დაწყებამდე თქვა, სეზონის მეორე ნახევარში ყველას გავაოცებთო. თუმცა დაპირება მხოლოდ ერთ მატჩს, რა თქმა უნდა, არ ეხებოდა და "ბორუსია" ვალდებულია, "ნიურნბერგთანაც" იდეალური ფეხბურთი ითამაშოს.
"ნიურნბერგი" მე-15 ადგილზეა და ახალი მწვრთნელი ჰყავს. რაკი დიტერ
მართალია, ნიურნბერგელები ცხრილში გასავარდნ ზონასთან ძალიან ახლოს არიან, მაგრამ სარელეგაციო მე-16 ადგილზე მყოფ "ჰოფენჰაიმს" 8 ქულით უსწრებენ, რის გამოც ჯერჯერობით სანერვიულო არაფერი აქვთ.
ვიზინგერმა "ჰამბურგთან" მატჩში ყველასათვის მოულოდნელი გადაწყვეტილება მიიღო და გუნდის ტოპ-ფეხბურთელი ჰიროში კიოტაკე (3 გოლი, 5 საგოლე პასი) 76 წუთის მანძილზე სათადარიგოთა სკამზე დატოვა. ვიზინგერი "დორტმუნდთან" დღევანდელ მატჩშიც გეგმავს ცვლილებებს, რადგან პერ ნილსონი და მარკუს ფოილნერი (ორივეს გრიპი ჰქონდა) გამოჯანმრთელდნენ.
"დორტმუნდი", რა თქმა უნდა, ფავორიტია, მაგრამ ჩვენ დასაკარგი არაფერი გვაქვს და მედგრად ვიბრძოლებთ. პირველ წრეში "ნიურნბერგმა" "ბორუსიასთან" ფრეს (1:1) მიაღწია და კარგად ითამაშა. ასეთ შედეგზე არც ახლა ვიტყოდი უარს," - უთხრა ფრანკების თავკაცმა "კიკერს".
25 იანვარი
ბორუსია (დ)-ნიურნბერგი 23:30
დისკვალიფიკაცია: ბიტენკური (ბორუსია /დ/)
ტრავმა: ოვომოიელა, სუბოტიჩი, დუკში - შტეფანი, ჰლუშეკი, ნგანკამი
ბოლო 6 მატჩი
+3=2-1 +2=3-1
ურთიერთშეხვედრები
სულ 61 თამაში: +30=18-13, (102:67)
ყოველდღიური სპორტული გაზეთი "ლელო"
ასევე იხილეთ:
გერმანია. ბუნდესლიგა. პარასკევის მატჩის წინ: ბუნდესლიგის კლასიკა მიუნხენში
