ფრანც ბეკენბაუერს ძალიან გაუხარდება, თუ დორტმუნდის "ბორუსიას" პოლონელი გოლეადორი რობერტ ლევანდოვსკი მომდევნო სეზონიდან მიუნხენის "ბაიერნის" ფორმას მოირგებს. მეტიც: კაიზერ-ფრანცს მიაჩნია, რომ ლევანდოვსკი მარიო მანჯუკიჩზე უკეთესი თავდამსხმელია და იმასაც ამბობს, რომ "დორტმუნდი" იურგენ კლოპის გარეშე ვერ წარმოუდგენია."მარიო მანჯუკიჩი ძლიერია, მაგრამ ლევანდოვსკი "ბაიერნისთვის" ნამდვილად მისწრება იქნებოდა. მიმაჩნია, რომ პოლონელი ხორვატზე უკეთესი და უფრო მოძრავი თავდამსხმელია. ძალიან გამიხარდება, თუ ლევანდოვსკი მიუნხენში გადმოვა," - აცხადებს ბეკენბაუერი ხსენებულ ინტერვიუში.
შაბათს "ბაიერნი" და "ბორუსია" დორტმუნდში ერთმანეთს ხვდებიან და თუ მიუნხენელები მოიგებენ, კლოპის გუნდს შვიდი ქულით
"დორტმუნდში რომ მოვიგოთ, ალბათ, ვეღარავინ დაგვეწევა. ცხადია, ქულებს კიდევ დავკარგავთ, მაგრამ ვერც "დორტმუნდი" მოიგებს ყველა თამაშს," - დასძენს კაიზერ-ფრანცი.
"შპორტ ბილდისთვის" მიცემულ ინტერვიუში, რომელიც გუშინ გამოქვეყნდა, ბეკენბაუერი "ბორუსიას" მწვრთნელ კლოპს საუკეთესო ეპითეტებით ამკობს: "იურგენი "დორტმუნდის" მთავარი არქიტექტორია, ამ კლუბის წარმატებები პირველ რიგში მისი დამსახურებაა. თანაც, კლოპი უკვე "ბორუსიას" განუყოფელ ნაწილად იქცა. მას ჰანს-იოახიმ ვატცკესა და მიხაელ ცორკის სახით შესანიშნავი ხელმძღვანელები ჰყავს, თუმცა სპორტული წარმატებების უმთავრესი შემოქმედი მაინც თავად კლოპია.
ამიტომაც "ბორუსია" მის გარეშე ვერ წარმომიდგენია. თუმცა, ცხადია, რომ ოდესმე წავა და ძალიან საინტერესოა, როგორი იქნება "ბორუსია" იურგენის შემდეგ."
ყოველდღიური სპორტული გაზეთი "ლელო"
ასევე იხილეთ:
ფრანც ბეკენბაუერი: უცხოპლანეტელები შემხვდნენ, ჩვენთან ფეხბურთის თამაში უნდათ! [VIDEO]
![ლევანდოვსკის ჰეთ თრიკი 32 წუთში - "ბარსელონამ" "ალავესი" დაამარცხა [VIDEO]](/pictures/image7/97b7c244c67ac10646f82e2bc4f717f8.jpg "ლევანდოვსკის ჰეთ თრიკი 32 წუთში - \"ბარსელონამ\" \"ალავესი\" დაამარცხა [VIDEO]")
