მიუხედავად იმისა, რომ ეს მხოლოდ ამხანაგური მატჩი იყო, "ბაიერნის" ქომაგები "ზალცბურგთან" 0:3-ის შემდეგ მაინც შოკირებულები იყვნენ. რეკორდმაისტერი, რომელსაც ბუნდესლიგაში 41-მატჩიანი წაუგებელი სერია აქვს, ავსტრიულ კლუბთან განადგურდა. მაინც რა მოხდა ამ შეხვედრაში? რატომ წააგო "ბაიერნმა" ასეთი ანგარიშით?"ზალცბურგელებმა კარგი ლექცია ჩაგვიტარეს. ყველა ამბობდა, "ბაიერნი" ყოველთვის იგებსო; ახლა კი ყველა მიხვდება, რომ დაუმარცხებელი არც "ბაიერნია". ეს თამაში იმიტომ წავაგეთ, რომ მეტოქემ ჩვენზე გაცილებით უკეთ ითამაშა. ჩვენ თამაში სამი მცველით ვცადეთ, რადგან ესეც ერთ-ერთი ვარიანტია, რომელიც ნებისმიერ დროს შეიძლება დაგვჭირდეს. თუმცა მარცხს მხოლოდ
აღსანიშნავია, რომ გერმანიის ჩემპიონატის განახლებამდე ეს "ბაიერნისთვის" უკანასკნელი ტესტ-მატჩი იყო - პარასკევს რეკორდმაისტერი "გლადბახს" უნდა ესტუმროს.
ისიც უნდა ვთქვათ, რომ პეპმა რამდენიმე ვარსკვლავი დაასვენა: ფილიპ ლამისა და ფრანკ რიბერის გარდა, არც ტრავმირებულ ბასტიან შვაინშტაიგერს და ახლახან მომჯობინებულ არიენ რობენს უთამაშიათ. მთავარი ექსპერიმენტი კი მაინც სამი მცველით თამაში გახლდათ - ნახევრად მემარცხენე ჟერომ ბოატენგი გახლდათ, ცენტრში დანტე მოქმედებდა, ნახევრად მემარჯვენე მცველის ფუნქციას კი ხავი მარტინესი ასრულებდა და ამ ამოცანას თავი ვერ გაართვა.
ყოველდღიური სპორტული გაზეთი "ლელო"
