მიუნხენის "ბაიერნმა" უარყო ორი დღის წინ გავრცელებული ინფორმაცია იმის შესახებ, თითქოს კლუბის სპორტულ დირექტორ მატიას ზამერსა და მთავარ მწვრთნელ ხოსეპ გვარდიოლას შორის ვარჯიშზე სერიოზულ კონფლიქტს ჰქონდა ადგილი. როგორც Sky Deutchland-ი იტყობინებოდა, ზამერმა და გვარდიოლამ მკვეთრი ფრაზები ესროლეს ერთმანეთს; ამასთან, გერმანელმა უცენზურო სიტყვებიც გამოიყენა.
"ეს აბსოლუტური სიცრუეა. ამის გამო Sky-ს ყვითელი ბარათი ვუჩვენეთ", - ასეთი კომენტარი გააკეთა ზამერმა. გვარდიოლამაც განაცხადა, რომ ვარჯიში მშვიდ ვითარებაში მიმდინარეობდა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
