ბუნდესლიგა. XX ტური: მიუნხენის "ბაიერნმა" 2015 წელს პირველად მოიგო [VIDEO]

7 თებერვალს გერმანულ ბუნდესლიგაში XX ტურის 6 შეხვედრა გაიმართა.

მიუნხენის "ბაიერნმა" 2015 წელს პირველი გამარჯვება იზეიმა. ხოსეპ გვარდიოლას გუნდი "შტუტგარტს" ეწვია და 2:0 მოუგო.

პირველი ტაიმის ბოლოს არიენ რობენმა ბურთი ვაიზერთან გაითამაშა და ცაციით გაიტანა მასპინძელთა კარში. მეორე ტაიმის დასაწყისში საჯარიმო დარტყმა ბრწყინვალედ გამოიყენა დავიდ ალაბამ.

მოიგო "ბაიერნის" მდევარმა "ვოლფსბურგმაც", რომელმაც "ჰოფენჰაიმს" სამი უპასუხო გოლი გაუტანა. ამ შეხვედრაში "მგლების" რიგებში "ჩელსის" ყოფილი ფეხბურთელის ანდრე შიურლეს დებიუტი შედგა. სწორედ მისი პასით გახსნა ანგარიში ბას დოსტმა.

ამის შემდეგ კევინ დე ბრუინმა, რომელიც საოცარ ფორმაშია, დუბლი შეასრულა.

როგორც იქნა იმარჯვა, თანაც დამაჯერებლად, დორტმუნდის "ბორუსიამ". იურგენ კლოპის გუნდმა სტუმრად "ფრაიბურგს" 3:0 აჯობა, თავი მარკო როისმა და პიერ ემერიკ ობამეიანგმა (დუბლი) გამოიჩინეს.

ტურის დარჩენილი ორი შეხვედრა 8 თებერვალს გაიმართება.

გერმანია. ბუნდესლიგა. XX ტური
შაბათი, 7 თებერვალი
ვოლფსბურგი-ჰოფენჰაიმი 3:0
გოლები: 1:0 დოსტი (3), 2:0 დე ბრუინი (28), 3:0 დე ბრუინი (84)

მაინცი-ჰერტა 0:2
გოლები: 0:1 ჰეგელერი (35-პენ), 0:2 ბეერენსი (42)
გაძევება: კარიუსი (32. მაინცი), ლუსტენბერგერი (58. ჰერტა)

ფრაიბურგი-დორტმუნდი 0:3
გოლები: 0:1 როისი (9), 0:2 ობამეიანგი (56), 0:3 ობამეიანგი (72)

შტუტგარტი-ბაიერნი 0:2
გოლები: 0:1 რობენი (41), 0:2 ალაბა (50)

კიოლნი-პადერბორნი 0:0

ჰამბურგი-ჰანოვერი 2:1
გოლები: 1:0 მარსელო (26 ს.კ.), 2:0 იანსენი (50), 2:1 ზობიეხი (66).

კვირა. 8 თებერვალი
ვერდერი-ლევერკუზენი 18:30
დისკვალიფიკაცია: არავინ
ტრავმა: ბუში, პრიოდლი, ცანდერი, იოზ. ილდირიმი - იედვაი, კრუსი
ბოლო 6 მატჩი
+3=1-2 +2-3=1
ურთიერთშეხვედრები
სულ 69 თამაში: +23=28-18, (106:108)

აუგსბურგი-აინტრახტი 20:30
დისკვალიფიკაცია: იანკერი (აუგსბურგი)
ტრავმა: ჰიტცი, ჰონგი, რაინჰარდტი, რიდერი, ესვაინი, მორავეკი, მატავჟი, მიოლდერსი - ჯაპკა, ვალდესი, ვალდშმიდტი
ბოლო 6 მატჩი
+4=0-2 +1-3=2
ურთიერთშეხვედრები
სულ 5 თამაში: +3=1-1, (8:6).