ბუნდესლიგა. XXVII ტური: ჩემპიონობამდე ოთხი მოგება რჩება [VIDEO]

ვიდეო: ბორუსია (დ)-ბაიერნი 0:1

4 აპრილს გერმანული ბუნდესლიგის 27-ე ტურის 7 შეხვედრა გაიმართა.

ბუნდესლიგის ყველაზე კლასიკური მატჩი ამჯერად, სატურნირო ინტრიგას მოკლებული იყო - დორტმუნდის "ბორუსიამ" მიუნხენის "ბაიერნს" უმასპინძლა და 0:1 დამარცხდა.

გამარჯვების გოლი პირველ ტაიმში რობერტ ლევანდოვსკიმ თავურით გაიტანა, მას მერე, რაც მეკარემ თომას მიულერის დარტყმული მოიგერია. მიუნხენელთა რიგებში ტრავმის მერე პირველად გამოჩნდა ტიაგო ალკანტარა.

ხოსეპ გვარდიოლა (ბაიერნი): "მნიშვნელოვანი ნაბიჯი გადავდგით ჩემპიობისკენ, დარჩენილ შვიდ შეხვედრაში 4 უნდა მოვიგოთ და ტიტული ჩვენია. დორტმუნდში გამარჯვება ძნელია, მეორე ტაიმში თავდაცვა მოგვიწია. ცუდად ვთამაშობდით, მაგრამ როგოროც გუნდი არ გავტყდით. გამარჯვებას დანტეს ვუძღვნი, რომელიც ხშირად არ თამაშობს, მაგრამ ახლა 90 წუთი მოედანზე იყოს. სიამოვნებით მეყოლებოდა ათასი დანტე გუნდში. ტიაგო დიდი ხანი ვერ თამაშობდა, დიდი უიღბლობის მერე, ის ისევ დაგვიბრუნდა და ეს კარგი ამბავია ჩვენთვის".

იურგენ კლოპი: "საწყის 10 წუთში კარგად ვითამაშეთ, მერე ცოტა ავურიეთ. დაგვირგვინების ფაზაში გვიჭირდა, მეორე ტაიმი კარგად ვითამაშეთ, მაგრამ ეს "ბაიერნის" წინააღმდეგ ცოტაა".

სხვა მატჩებიდან აღსანიშნავია, "ვოლფსბურგის" მორიგი გამარჯვება და "ლევერკუზენის" მიერ "ჰამბურგის" განადგურება. "გლადბახმა" მოულლოდნელად, იოლად მოუგო სტუმრად "ჰოფენჰაიმს" - 4:1.

ლევერკუზენი-ჰამბურგი 4:0
გოლები: 1:0 კასტრო (7), 2:0 კისლინგი (44), 3:0 კისლინგი (56), 4:0 კასტრო (63)

ვოლფსბურგი-შტუტგარტი 3:1
გოლები: 1:0 როდრიგესი (41-პენ), 1:1 ჰარნიკი (44), 2:1 როდრიგესი (65), 3:1 შიურლე (76)

ჰოფენჰაიმი-გლადბახი 1:4
გოლები: 1:0 შიპლოკი (17), 1:1 კრუზე (26-პენ), 1:2 ჰერმანი (31), 1:3 რაფაელი (36), 1:4 ჰერმანი (51)

ვერდერი-მაინცი 0:0

აინტრახტი-ჰანოვერი 2:2
გოლები: 1:0 მადლუნგი (27), 2:0 აიგნერი (54), 2:1 მარსელო (68), 2:2 ია კონანი (82)

ფრაიბურგი-კიოლნი 1:0
გოლი: 1:0 ფრანცი (37)

დორტმუნდი-ბაიერნი 0:1
გოლი: 0:1 ლევანდოვსკი (36)

1. ბაიერნი - 67 ქულა; 2. ვოლფსბურგი - 57; 3. გლადბახი - 50; 4. ლევერკუზენი - 48; 5. შალკე - 39