ბუნდესლიგა. III ტური: დარჩა ორი უდანაკარგო [VIDEO]

* "დორტმუნდმა" ახალ სეზონში რვიდან რვა ოფიციალური მატჩი მოიგო.

* თომას ტუხელი პირველი მწვრთნელია "დორტმუნდის" ისტორიაში, რომელმაც პირველი სამი ტური მოიგო.

* თომას მიულერმა ბუნდესლიგაში მე-200 მატჩი ჩაატარა. ნახევარმცველს არასოდეს გაუტანია პირველ სამ ტურში ხუთი გოლი.

* "ვოლფსბურგი" 24 ტურია, შინ არ მარცხდება.

* ბას დოსტს 2015 წელს 16 გოლი აქვს, რაც საუკეთესო მაჩვენებელია ბუნდესლიგაში.

* არც ერთი ქულა სამ ტურში - "შტუტგარტს" ასეთი სტარტი არასოდეს ჰქონია.

* "აინტრახტმა" 9-თვიანი პაუზის შემდეგ პირველად მოიგო სტუმრად.

* "კიოლნი" 12 ტურია შინ

არ აგებს.

* "გლადბახმა" ისტორიაში პირველად ვერ მოიპოვა პირველ სამ ტურში ქულა.

ჩემპიონთა ლიგის პლეი ოფში "ლაციოსთან" ლამაზი და ემოციური გამარჯვების შემდეგ მოსალოდნელი იყო, რომ "ლევერკუზენს" გაუჭირდებოდა "ალიანც არენაზე" ტურის ცენტრალურ მატჩში. მართალია, რომაული კლუბის დამარცხების შემდეგ "ბაიერმა" დაამტკიცა, რომ ძლიერი გუნდია და ბევრიც შეუძლია, მაგრამ, შესაძლოა, ეს ყველაფერი დაღლილობის ფაქტორს გადაეფარა, რაც მოხდა კიდეც.

როგორც ტურისწინა მიმოხილვაში ვწერდით, "ბაიერნი" ერთადერთი ცენტრალური მცველის - დანტეს ამარა იყო დარჩენილი. ამით პეპ გვარდიოლას მორიგი ექსპერიმენტის ჩატარების საშუალება მიეცა - "ბაიერნის" სასტარტო შემადგენლობაში არ იყო ნომინალური ცენტრალური მცველი. მასპინძლების დაცვის ხაზი ასე გამოიყურებოდა - ლამი, ალაბა, ბერნატი, რომლებსაც ხშირად ეხმარებოდა ჩაბი ალონსო. ფლანგებზე, ტრადიციულად, დუგლას კოშტა და რობენი ვიხილეთ და, ამჯერად, არა მხოლოდ ბრაზილიელი, ჰოლანდიელიც ბრწყინავდა.

სწორედ კოშტამ შექმნა პირველი გოლი. ექსშახტარელი ძალიან იოლად გაექცა ჰილბერტს და გამოზომილი პასი გაუკეთა მიულერს, რომელსაც ისღა დარჩენოდა, ხუთი მეტრიდან გაეტანა.

"ლევერკუზენი" პრესინგს ცდილობდა, მაგრამ, ამჯერად, "ბაიერნი" დაცვაში შეცდომებს აღარ უშვებდა. თუ ნოიერის კართან სახიფათო მომენტებს გავიხსენებთ, მხოლოდ ჯარიმიდან ჩალჰანოგლუს დარტყმაა აღსანიშნავი, როცა ბურთი ზედა ძელს მოხვდა.

მეტოქისგან განსხვავებით, "ფარმაცევტებს" დაცვაში ბევრი შეცდომა ჰქონდათ. ამ მხრივ, პირველ რიგში, ჰილბერტია აღსანიშნავი, რომელმაც ორი პენალტი მოუტანა თავის გუნდს - ერთხელ ვიდალს უბიძგა ხელი, მეორედ ხელით ითამაშა კოშტას ჩაწოდების შემდეგ. საერთოდ, ამ მცველის შეშვება საკუთარ საჯარიმოში არ შეიძლება - წინა სეზონში, ჰილბერტის მიზეზით ხუთი (!) პენალტი დაინიშნა "ლევერკუზენის" კარში. მიულერმა და რობენმა 11-მეტრიანები გამოიყენეს - 3:0.

მიუნხენელები უფრო იღბლიანები რომ ყოფილიყვნენ, კიდევ უფრო დიდი ანგარიშითაც მოიგებდნენ. ასე მაგალითად, კოშტამ ძელს გაარტყა ბურთი, რამდენიმე კარგი მომენტი გააფუჭა ლევანდოვსკიმ, უფრო ეფექტური უნდა ყოფილიყო რობენი.

"ბაიერნმა" არსებობის ისტორიაში მეთოთხმეტედ დაიწყო სეზონი ზედიზედ სამი მოგებით. წინა 13 შემთხვევიდან 11-ში რეკორდმაისტერი ჩემპიონი ხდებოდა.

შთამბეჭდავია გვარდიოლას მაჩვენებელი: ესპანელ სპეციალისტს ბუნდესლიგაში პირველ წრეში არასოდეს წაუგია - 111 შესაძლებლიდან 101 ქულა (32 მოგება და 5 ფრე!). რაც შეეხება "ლევერკუზენს", ამ გუნდმა პირველად წააგო ასეთი დიდი ანგარიშით როჯერ შმიდტის ხელმძღვანელობით.

"ვოლფსბურგს" სეზონის გაგრძელება კევინ დე ბრუინისა და ივან პერიშიჩის გარეშე მოუწევს, რომლებიც, შესაბამისად, "მანჩესტერ სიტიში" და "ინტერში" გადადიან. ისინი არ ყოფილან "შალკესთან" მატჩის განაცხადში, თუმცა დე ბრუინი ტრიბუნაზე ვიხილეთ, სადაც ბოლო ავტოგრაფებს არიგებდა "მგლების" ფანებისთვის.

ორი წამყვანი მოთამაშის დაკარგვის მიუხედავად, "ვოლფსბურგმა" მატჩი უფრო საინტერესოდ დაიწყო, ვიდრე წინა ტურებში. დაახლოებით ნახევარი საათი "შალკე" შეტევაზე არ ფიქრობდა, რადგან მასპინძლები მუდმივად მეტოქის ნახევარზე იყვნენ. თუმცა მათი შეტევები ფანტაზიით არ გამოირჩეოდა და ყველაფერი ტრეშისა და კალიჯურის ჩაწოდებებით სრულდებოდა. და სწორედ ერთ-ერთი ასეთი ჩაწოდებით, დოსტმა ერთი შეხებით გაუშვა "შალკეს" კარში ბურთი ტრეშის პასის შემდეგ.

სტუმრებმა თანდათან შეძლეს თამაშის გათანაბრება. საუკეთესო მათ რიგებში ლეროი სანე იყო, ხოლო ყველაზე კარგი მომენტი ჰუნტელაარს ჰქონდა, რომელმაც ახლოდან ააცილა კარს.

"შალკემ" მეორე ტაიმის სტარტზე აქტიურობა სცადა და კინაღამ გაიტანა კიდეც - გაისის შორეული დარტყმა სულ მცირედით ასცდა კასტელსის კარს. პარალელურად, სტუმრები ბევრს სცოდავდნენ დაცვაში და ერთ მომენტში, კოლაშინაცმა საჯარიმოში წააქცია ლუიშ გუსტავო, რის შემდეგაც პენალტი ზუსტად დაარტყა რიკარდო როდრიგესმა. რამდენიმე წუთში კი როდრიგესის კუთხურს კლოზეს მესამე გოლი მოჰყვა.

"ვოლფსბურგმა" სრულიად დამსახურებულად მოიგო და თავის ისტორიაში საუკეთესო სტარტი აიღო - სამი ტურის შემდეგ შვიდი ქულა არასოდეს ჰქონია.

"დორტმუნდმა" ზედიზედ მესამე მატჩი მოიგო ბუნდესლიგაში და პირველი ადგილი დაიბრუნა. ევროპალიგაზე "ოდ გრენლანდთან" მხიარული მატჩის (7:2) შემდეგ თომას ტუხელმა ორი ცვლილება განახორციელა ძირითად შემადგენლობაში - კარში ვაიდენფელერი ბიურკით შეცვალა, თავდასხმაში ჰოფმანი - ობამეიანგით. "ჰერტა" ლიდერის წინააღმდეგ ხუთკაციანი დაცვითა და ნომინალური ფორვარდის გარეშე გავიდა.

ამიტომაც პირველ ტაიმი არ იყო მდიდარი საგოლე მომენტებით და ანგარიში სტანდარტული მდგომარეობიდან გაიხსნა - კაგავამ თავზე დაასვა ბურთი ჰუმელსს, რომელმაც მძლავრი დარტყმით თავისი მე-18 გოლი (მე-11 - თავით) გაიტანა ბუნდესლიგაში.

"დორტმუნდი" ამ გოლამდეც და შემდეგაც მშვიდად აკონტროლებდა თამაშის მსვლელობას, მეორე ბურთი კი მეორე ტაიმის სტარტზე გაიტანა, როცა კაგავა-გინტერის კომბინაცია ობამეიანგმა დაასრულა (გაბონელი სამი ტურია უგოლოდ არ ტოვებს მოედანს).

"ჰერტა" მხოლოდ ამის შემდეგ გაიხსნა და წესით, "დორტმუნდი" იოლად უნდა ასულიყო წინა მატჩების ნორმამდე (4 გოლი), მაგრამ თავად მიიღო გოლი კალუსგან, თუმცა მსაჯების ეს ბურთი თამაშგარეს გამო არ უნდა ჩაეთვალათ.

ამან ცოტათი აანერვიულა 80-ათასიანი პუბლიკა, თუმცა "ბორუსიას" დისტანციაზე ჰყავდა მეტოქე, ბოლოს კი შეცვლაზე შესულმა რამოსმა დააფიქსირა საბოლოო ანგარიში.

ბუნდესლიგა. III ტური
28 აგვისტო
ვოლფსბურგი-შალკე 3:0
გოლები: 1:0 დოსტი (17), 2:0 როდრიგესი (59-პენ), 3:0 კლოზე (61)
ვოლფსბურგი: კასტელსი, ტრეში, ნალდო, კლოზე, როდრიგესი, ვიეირინია, ლუიშ გუსტავო, გილავოგი, კრუზე (87. არნოლდი), კალიჯური (76. შიურლე), დოსტი (79. ბენდტნერი).
შალკე: ფერმანი, რიტერი, მატიპი, ნოიშტედტერი, კოლაშინაცი, გაისი, აოგო, ჩუპო-მოტინგი (59. დი სანტო), დრაქსლერი (73. მაიერი), ლ. სანე (71. გორეტცკა), ჰუნტელაარი.
გაფრთხილება: ლუიშ გუსტავო - რიტერი, აოგო
კუთხური: 2-3 ჯარიმა: 11-16 თამაშგარე: 2-0 კარში დარტყმა: 9(5)-12(1) ბურთის ფლობა: 56%-44%
მაყურებელი: 30 000

29 აგვისტო
შტუტგარტი-აინტრახტი 1:4
გოლები: 0:1 ჰლუშეკი (11-საკ. კარში), 1:1 დიდავი (30), 1:2 კასტაინოსი (42), 1:3 სეფეროვიჩი (69-პენ), 1:4 კასტაინოსი (87)
შტუტგარტი: ტიტონი, შვააბი, ბაუმგარტლი, ჰლუშეკი, ინსუა, გენტნერი, სერეი დიე (85. რუპი), დიდავი (68. ვლახოდიმოსი), კოსტიჩი, ჰარნიკი (46. ტიმო ვერნერი), გინჩეკი.
აინტრახტი: ჰრადეცკი, ჩენდლერი (46. იგნიოვსკი), სამბრანო, რუსი (46. აბრაჰამი), ოშჩიპკა, ჰასებე, რაინარტცი, აიგნერი, შტენდერა (79. ვალდშმიდტი), სეფეროვიჩი, კასტაინოსი.
გაძევება: ტიტონი (67. შტუტგარტი)
გაფრთხილება: დიდავი, ჰლუშეკი, გინჩეკი - ჩენდლერი, შტენდერა, აბრაჰამი
კუთხური: 6-1 ჯარიმა: 19-17 თამაშგარე: 2-8 კარში დარტყმა: 15(4)-6(4) ბურთის ფლობა: 51%-49%
მაყურებელი: 49 327

აუგსბურგი-ინგოლშტადტი 0:1
გოლი: 0:1 ლეკი (63)
აუგსბურგი: ჰიტცი, ვერჰაეგი, ჰონგი, კლავანი, მაქსი, ბაიერი, ბობადილია, კორი (83. მიოლდერსი), ჰალილ ალთინთოფი (57. ესვაინი), ტობიას ვერნერი, კაიუბი (46. მატავჟი).
ინგოლშტადტი: იოზჩანი, ლეველსი, მ. მატიპი, ჰიუბნერი, ზუტნერი (76. ბაუერი), როჟერი, გროსი, მორალესი, ჰარტმანი (61. ლექსი), ჰინტერსეერი (81. ბრეჟერი), ლეკი.
გაფრთხილება: კაიუბი, ჰონგი, მატავჟი - ლეკი, ჰარტმანი, მატიპი
კუთხური: 3-4 ჯარიმა: 22-16 თამაშგარე: 2-3 კარში დარტყმა: 10(2)-16(3) ბურთის ფლობა: 59%-41%
მაყურებელი: 30 003

კიოლნი-ჰამბურგი 2:1
გოლები: 0:1 ჰოლტბი (47), 1:1 ჰოსინერი (76), 2:1 მოდესტე (81-პენ)
კიოლნი: ჰორნი, ოლკოვსკი (66. ჰოსინერი), სიორენსენი, ჰაინტცი, ჰექტორი, ფოგტი, ლემანი (59. იოიჩი), რისე, ბიტენკურტი, ცოლერი (81. გერჰარდტი), მოდესტე.
ჰამბურგი: ადლერი (40. ჰირცელი), დიკმაიერი, კლებერი, სპაჰიჩი, ოშტრჩოლეკი, ეკდალი, იუნგი (46. კაჩარი), ჰოლტბი (83. ლასოგა), გრეგორიტში, ილიჩევიჩი, შიპლოკი.
გაძევება: სპაჰიჩი (79. ჰამბურგი)
გაფრთხილება: ცოლერი, ფოგტი, რისე - შიპლოკი, ეკდალი
კუთხური: 3-8 ჯარიმა: 16-9 თამაშგარე: 4-0 კარში დარტყმა: 6(3)-17(7) ბურთის ფლობა: 49%-51%
მაყურებელი: 50 000

მაინცი-ჰანოვერი 3:0
გოლები: 1:0 მუტო (15), 2:0 მუტო (29), 3:0 მალი (47)
მაინცი: კარიუსი, ბალოგუნი (73. ბროსინსკი), ბუნგერტი, ბელი, ბენგტსონი, ბაუმგარტლინგერი, ფ. ფრაი (8. ლატცა), კლემენსი, მალი, ხაირო, მუტო (87. ნიდერლეხნერი).
ჰანოვერი: ცილერი, ჰ. საკაი, მარსელო, კ. შულცი, ზორგი, შმიდებახი, ს. სანე, ბეხი (46. სენტ-მაქსიმინი), კლაუსი (46. ქარამანი), პრიბი, ბენშოპი (74. ა. ზობიხი).
გაფრთხილება: - პრიბი, ზორგი
კუთხური: 8-5 ჯარიმა: 7-12 თამაშგარე: 4-3 კარში დარტყმა: 18(6)-11(4) ბურთის ფლობა: 48%-52%
მაყურებელი: 26 872

დარმშტადტი-ჰოფენჰაიმი 0:0
დარმშტადტი: მატენია, გარიჩი, სულუ, კალდიროლა, ჰოლანდი, გონდორფი, ნიმაიერი (83. იუნგვირტი), ჰელერი, რაუში, ზაილერი (75. როზენტალი), შტროჰ-ენგელი (87. ვაგნერი).
ჰოფენჰაიმი: ბაუმანი, კადერაბეკი, სხარი, ზიულე, კიმი, შვეგლერი (68. რუდი), პოლანსკი, უტი (76. ვარგასი), ცუბერი (67. შმიდი), ფოლანდი, კურანი (69. უტი).
გაფრთხილება: ნიმაიერი, გონდორფი, გარიჩი - ცუბერი, უტი
კუთხური: 4-6 ჯარიმა: 12-16 თამაშგარე: 2-3 კარში დარტყმა: 5(1)-15(2) ბურთის ფლობა: 36%-64%
მაყურებელი: 17 000

ბაიერნი-ლევერკუზენი 3:0
გოლები: 1:0 მიულერი (26), 2:0 მიულერი (60-პენ), 3:0 3:0 რობენი (71-პენ)
ბაიერნი: ნოიერი, ლამი, ჩაბი ალონსო, ალაბა, ბერნატი (73. დანტე), ვიდალი, ტიაგო ალკანტარა (83. როდე), რობენი (78. გიოტცე), მიულერი, დუგლას კოშტა, ლევანდოვსკი.
ლევერკუზენი: ლენო, ჰილბერტი, პაპადოპულოსი, ტაჰი, ვენდელი (78. ბიონიში), ლ. ბენდერი, კრამერი, ბელარაბი, ჩალჰანოგლუ (61. კრუსი), მეჰმედი (46. ბრანდტი), კისლინგი.
გაფრთხილება: ბერნატი, ტიაგო ალკანტარა - ვენდელი, კრამერი, კრუსი
კუთხური: 7-5 ჯარიმა: 12-15 თამაშგარე: 1-2 კარში დარტყმა: 14(6)-10(4) ბურთის ფლობა: 62%-38%
მაყურებელი: 75 000

30 აგვისტო
დორტმუნდი-ჰერტა 3:1
გოლები: 1:0 ჰუმელსი (27), 2:0 ობამეიანგი (51), 2:1 კალუ (78), 3:1 რამოსი (90)
დორტმუნდი: ბიურკი, გინტერი, პაპასტატოპულოსი, ჰუმელსი, შმელცერი, ვაიგლი, გიუნდოგანი (79. პიშჩეკი), კაგავა, როისი (79. რამოსი), მხითარიანი, ობამეიანგი (71. ჰოფმანი).
ჰერტა: კრაფტი, პეკარიკი, ლანგკამპი, ლუშტენბერგერი, ბრუქსი, პლატენჰარდტი, შტოკერი (46. ვაიზერი), სკიელბრედი (58. ბაუმიოჰანი), დარიდა, ვან დენ ბერგი (71. კალუ), ჰარაგუჩი.
გაფრთხილება: - ვან დერ ბერგი, ვაიზერი
კუთხური: 5-1 ჯარიმა: 15-11 თამაშგარე: 4-1 კარში დარტყმა: 15(6)-4(4) ბურთის ფლობა: 59%-41%
მაყურებელი: 80 500

ვერდერი-გლადბახი 2:1
გოლები: 1:0 იოჰანსონი (39-პენ), 1:1 შტინდლი (45), 2:1 ვესტერგაარდი (53)
ვერდერი: ვიდვალდი, გერბესელასიე, ლუკიმია, ვესტერგაარდი, ს. გარსია, ბარგფრედე, ფრიტცი, იუნუზოვიჩი (86. გალვესი), უ. გარსია (77. კროოსი), იოჰანსონი (70. ბარტელსი), უჯა.
გლადბახი: ზომერი, იანტჩკე, ბროუერსი, მ. შულცი, ვენდტი, ნორდტვეიტი (68. დაუდი), ჯაკა, აზარი, შტინდლი, ჰერმანი (72. ჰანი), რაფაელი (81. დრმიჩი).
გაძევება: ჯაკა (87. გლადბახი)
გაფრთხილება: ს. გარსია, უ. გარსია, ვიდვალდი - ნორდტვეიტი
შენიშვნა: კროოსმა ვერ გამოიყენა პენალტი (88)
კუთხური: 5-5 ჯარიმა: 16-17 თამაშგარე: 2-2 კარში დარტყმა: 22(6)-9(5) ბურთის ფლობა: 42%-58%
მაყურებელი: 42 100

ბომბარდირები: 5 - მიულერი (ბაიერნი); 3 - ობამეიანგი (დორტმუნდი).

მომდევნო ტური
11 სექტემბერი:
გლადბახი-ჰამბურგი.

12 სექტემბერი:
ბაიერნი-აუგსბურგი, ლევერკუზენი-დარმშტადტი, ჰანოვერი-დორტმუნდი, ჰერტა-შტუტგარტი, ინგოლშტადტი-ვოლფსბურგი, აინტრახტი-კიოლნი.

13 სექტემბერი:
ჰოფენჰაიმი-ვერდერი, შალკე-მაინცი.

ყოველდღიური სპორტული გაზეთი "ლელო"