ბუნდესლიგა. VII ტური: "დორტმუნდმა" დაამუხრუჭა [VIDEO]

* რობერტ ლევანდოვსკიმ 168-ე მატჩი ჩაატარა ბუნდესლიგაში და მე-100 გოლი გაიტანა. ეს მაჩვენებელი უფრო ნაკლებ მატჩში დააფიქსირეს - დიტერ მიულერმა, გერდ მიულერმა, ლოთარ ემერიხმა, უვე ზეელერმა, ჰორტს ჰრუბეშმა და რუდი ფიოლერმა.

* "კიოლნი" 14 მატჩია შინ არ მარცხდება - 5 მოგება და 9 ფრე.

* "ვერდერმა" ზედიზედ მესამე მატჩი წააგო.

* "შტუტგარტმა" ზედიზედ მეოთხე მატჩი წააგო შინ.

* "აუგსბურგს" შვიდ მატჩში ხუთი წაგება აქვს, რაც კლუბის ისტორიაში ყველაზე ცუდი სტარტია.

* "აუგსბურგმა" მე-200 გოლი გაუშვა ბუნდესლიგაში.

* "ჰოფენჰაიმმა" ხუთ მატჩში

გახსნა ანგარიში და პირველად შეინარჩუნა უპირატესობა.

* "აინტრახტი" 14 მატჩია შინ წაუგებელია - 8 მოგება და 6 ფრე.

ბუნდესლიგის მერვე ტურში "ბაიერნისა" და "დორტმუნდის" დიდი მატჩი გაიმართება. მისი შედეგის მიუხედავად, რეკორდმაისტერი მაინც ლიდერად დარჩება, რადგან მეშვიდე ტურში ზედიზედ მეშვიდედ მოიგო, "დორტმუნდმა" კი შინ "დარმშტადტს" ვერ მოუგო და ოთხი ქულით ჩამორჩა პირველ ადგილს...

შუა კვირას ჩატარებული ტურის შემდეგ "ბაიერნი" ერთპიროვნული ლიდერი გახდა და არ აპირებდა ამ სტატუსის დათმობას "მაინცთან" გასვლით მატჩში. ჩემპიონთა ლიგის მეორე ტურის წინ პეპ გვარდიოლამ ისევ მიმართა როტაციას და ამჯერად, დასვენების საშუალება მიეცათ ბოატენგსა და ვიდალს. "მაინცსაც" კარგი განწყობა ჰქონდა, რადგან ბოლო ორი საშინაო მატჩი მოიგო.

უკვე მე-20 წუთზე "ბაიერნმა" პენალტის უფლება მიიღო, როცა მასპინძლებმა საკუთარ საჯარიმოში კინგსლი კომანი წააქციეს. ბურთთან თომას მიულერი მივიდა, რომელსაც მანამდე ზედიზედ შვიდი პენალტი ჰქონდა გატანილი, მაგრამ, ამჯერად, ბურთი ტრიბუნებზე გაუშვა. პირველ ტაიმში "მაინცი" შესანიშნავად იცავდა თავს და არ აძლევდა მეტოქეს თავისუფალი მოქმედების საშუალებას. გვარდიოლას გუნდმა ორჯერ მაინც დაარტყა ზუსტად, მაგრამ კარიუსმა აჯობა ალაბასა და დუგლას კოშტას.

ამ სეზონში "ბაიერნმა" მატჩების დიდი ნაწილის ბედი მეორე ტაიმში გადაწყვიტა. ასე მოხდა ამჯერადაც. 51-ე წუთზე კომანმა იდეალურად ჩააწოდა შორეულ ძელთან, სადაც ლევანდოვსკი ელოდა ბურთს და თავით ზუსტად დაარტყა. "ბაიერნმა" მეტი დამაჯერებლობა იგრძნო და მეორე ტაიმის შუა ნაწილისთვის კიდევ ორი გოლის გატანა მოასწრო. ჯერ ლევანდოვსკიმ შეასრულა დუბლი, როცა ვიდალის პასის შემდეგ გამოიყენა მეკარესთან პირისპირ გასვლა, შემდეგ კი კომანი არ შეცდა ცარიელ კარში დარტყმისას. კომანს საგოლე პასი დუგლას კოშტამ გაუკეთა, რომელიც ხუთი შედეგიანი გადაცემით ბუნდესლიგის ლიდერი გახლავთ.

მატჩის ბოლომდე "მაინცმა" სცადა, თავი დაეღწია დიდი ანგარიშით წაგებისთვის. ერთხელ კლემენსმა ძელსაც გაარტყა ბურთი, მაგრამ მასპინძლებმა მაინც "მშრალად" წააგეს. "ბაიერნმა" ზედიზედ მესამე მატჩი მოიგო გასვლაზე ერთნაირი ანგარიშით - 3:0. რეკორდმაისტერისთვის ეს არის ისტორიაში მესამე სტარტი შვიდიდან შვიდი მოგებით.

"ბაიერნს" "მაინცთან" რომც წაეგო, მაინც შეინარჩუნებდა ლიდერობას, რადგან ტურის ბოლო მატჩში ვერ მოიგო "დორტმუნდმა". ზედიზედ 11 ოფიციალური თამაშის მოგების შემდეგ თომას ტუხელის გუნდმა მიჯრით მეორე ფრე ითამაშა და ოთხი ქულით ჩამორჩა ლიდერს.

მარსელ ჰელერმა სეზონში მესამე გოლი გაიტანა და პირველი ტაიმი მოაგებინა "დარმშტადტს", მაგრამ ეს გუნდი გოლების თითქმის 90 პროცენტს მეორე ტაიმში უშვებს და ამჯერადაც, ორი ბურთი მიიღო პიერ-ემერიკ ობამეიანგისგან. გაბონელმა ზედიზედ მეშვიდე მატჩში გაიტანა, შვიდ ტურში ცხრა გოლი აქვს, რითაც "ბორუსიაში" ლოთარ ემერიხის რეკორდი (1965-66) გაიმეორა.

"დორტმუნდს" გაჭირვებით, მაგრამ მიჰყავდა საქმე გამარჯვებამდე, თუმცა 90-ე წუთზე ცენტრალურმა მცველმა სულუმ დააკარგვინა ორი ქულა.

"ვოლფსბურგმა" ისევ დაიწყო ქულების დაკარგვა. "მგლები" გონს ვერ მოვიდნენ მიუნხენში განცდილი ფიასკოს შემდეგ და შინ ქულები დაკარგეს ბოლოადგილოსან "ჰანოვერთან". დიტერ ჰეკინგის შეგირდები შესვენებაზე ლიდერის რანგში გავიდნენ: ბას დოსტმა მორიგი გოლი გაიტანა - კალიჯურის ჩაწოდების შემდეგ ზუსტი თავური შეასრულა. მასპინძლებს უდიდესი უპირატესობა ჰქონდათ, ჯამში 23 დარტყმა შეასრულეს, მაგრამ მეორე ნახევარში "ვოლფსბურგმა" მაინც ვერ შეძლო უპირატესობის შენარჩუნება: შმიდებახმა საჯარიმოში ჩააგდო ბურთი, კიიოტაკემ მკერდზე მიიღო და ოსტატურად დაარტყა მეორე შეხებით. ამ ქულამ ჯერჯერობით მოხსნას გადაარჩინა "ჰანოვერის" მთავარი მწვრთნელი მიხაელ ფრონცეკი. აღსანიშნავია, რომ "ვოლფსბურგს" ზედიზედ ოთხი მატჩია შინ არ დაუმარცხებია "ჰანოვერი".

წარუმატებელი სტარტის შემდეგ ტემპს კრეფს "ლევერკუზენი". მან სტუმრად დიდი ანგარიშით დაამარცხა "ვერდერი", რომლისთვისაც ეს ზედიზედ მესამე წაგება იყო. პირველი ტაიმის შუაში ანგარიში ადმირ მეჰმედიმ გახსნა - მას რიკოშეტი დაეხმარა. "ბაიერის" რიგებში ძირითადში არ იყო ჰაქან ჩალჰანოგლუ, ამიტომაც მეორე ტაიმში ჯარიმა იულიან ბრანდტმა შეასრულა და ორამდე გაზარდა ანგარიში, კევინ კამპლმა კი გააკეთა ის, რაც შარშან "დორტმუნდში" ვერ შეძლო - თავისი პირველი გოლი გაიტანა ბუნდესლიგაში და 3:0 მოაგებინა "ფარმაცევტებს".

"ვერდერმა", ვიქტორ სკრიპნიკის ხელმძღვანელობით, პირველად წააგო ზედიზედ სამი მატჩი. ბრემენელთა რიგებში პირველად ითამაშა ძირითადში კლაუდიო პისარომ, მაგრამ მან ზუსტი დარტყმის გარეშე დაასრულა თამაში.

"ვოლფსბურგი" და "ლევერკუზენი" უკვე ცხრა ქულით ჩამორჩებიან "ბაიერნს", სამაგიეროდ, კარგი ტემპი აკრიფა "შალკემ"და საპატიო ხუთი ქულის მანძილზეა ლიდერთან. ლეროი სანემ ზედიზედ მესამე მატჩში გაიტანა და ზედიზედ მეხუთე ოფიციალურ მატჩში გაამარჯვებინა თავის გუნდს. "შალკეს" შვიდი ტურის შემდეგ 16 ქულა აქვს - ეს არის გუნდის საუკეთესო სტარტი ბუნდესლიგაში ბოლო 44 წლის განმავლობაში.

"ლევერკუზენის" მსგავსად, ზედიზედ მეორე მატჩი მოიგო ჩემპიონთა ლიგის კიდევ ერთმა ბინადარმა - "გლადბახმა". წინა ტურში ამ გუნდმა საწყის 21 წუთში ოთხი გოლი გაუტანა "აუგსბურგს", ახლა კი მე-20 წუთისთვის ორბურთიანი უპირატესობა ჰქონდა სტუმრად "შტუტგარტთან". გრანიტ ჯაკამ ზედიზედ მეორე მატჩში გამოიჩინა თავი - მან რაფაელის პასით თავურით გაიტანა, შემდეგ კი ჰერმანის ჩაწოდებას გენტნერის ავტოგოლი მოჰყვა. შესვენებამდე გინჩეკმა ერთი ბურთი გაქვითა, მაგრამ მეორე ტაიმში "შვაბებმა" ანგარიშის გათანაბრება ვერ შეძლეს. წერტილი შეხვედრას რაფაელმა დაუსვა, როცა ბოლო წუთზე მეკარესთან პირისპირ გასვლა გამოიყენა.

მაშ ასე, ლუსიენ ფავრის წასვლის შემდეგ "გლადბახმა" ზედიზედ ორი თამაში მოიგო. შესაბამისად, ანდრე შუბერტი ამ გუნდის პირველი მწვრთნელია ბოლო 28 წელიწადში, რომელმაც ამ გუნდში მოღვაწეობა ზედიზედ ორი მოგებით დაიწყო.

VII ტური
25 სექტემბერი
კიოლნი-ინგოლშტადტი 1:1
გოლები: 1:0 მოდესტე (10), 1:1 მ. მატიპი (21)
კიოლნი: ჰორნი, რისე, სიორენსენი, ჰაინტცი, ჰექტორი, ლემანი, გერჰარდტი, ცოლერი, ოსაკო, ბიტენკურტი (78. შვენტო), მოდესტე.
ინგოლშტადტი: იოზჩანი, ლეველსი, მ. მატიპი, ბ. ჰიუბნერი, ზუტნერი, როჟერი, გროსი, მორალესი, ლექსი (61. მო. ჰარტმანი), ჰინტერსეერი (78. პეკჰარტი), ლეკი (90+1. და კოსტა).
გაფრთხილება: ჰაინტცი, ლემანი - მ. მატიპი, ლეკი, ბ. ჰიუბნერი
კუთხური: 8-4 ჯარიმა: 14-15 თამაშგარე: 2-1 კარში დარტყმა: 15(4)-16(5) ბურთის ფლობა: 57%-43%
მაყურებელი: 47 800

26 სექტემბერი
ვოლფსბურგი-ჰანოვერი 1:1
გოლები: 1:0 დოსტი (40), 1:1 კიიოტაკე (57)
ვოლფსბურგი: ბენალიო, ტრეში (80. ს. იუნგი), ნალდო, დანტე, როდრიგესი, კალიჯური, გილავოგი, დრაქსლერი (58. არნოლდი), კრუზე, შიურლე (75. ბენდტნერი), დოსტი.
ჰანოვერი: ცილერი, ზორგი, მარსელო, კ. შულცი, ალბორნოსი, შმიდებახი, ს. სანე, ქარამანი, ანდრეასენი (66. კლაუსი), კიიოტაკე (82. ფელიპე), ა. ზობიხი (73. ერდინჩი).
გაფრთხილება: გილავოგი, არნოლდი - ფელიპე, მარსელო
კუთხური: 9-0 ჯარიმა: 11-8 თამაშგარე: 1-3 კარში დარტყმა: 23(9)-8(3) ბურთის ფლობა: 64%-36%
მაყურებელი: 29 236

შტუტგარტი-გლადბახი 1:3
გოლები: 0:1 ჯაკა (17), 0:2 გენტნერი (20-საკ. კარში), 1:2 გინჩეკი (40-პენ), 1:3 რაფაელი (90)
შტუტგარტი: ტიტონი, კლაინი, სუნიჩი, ბაუმგარტლი (88. ჰარნიკი), ინსუა, გენტნერი (80. კლიმენტი), სერეი დიე, დიდავი (63. მაქსიმი), კოსტიჩი, ტიმო ვერნერი, გინჩეკი.
გლადბახი: ზომერი, კორბი (68. ჰანი), ა. კრისტენსენი, ნორდტვეიტი, ვენდტი, დაუდი (68. ალვარო დომინგესი), ჯაკა, ჰერმანი (81. აზარი), ჯონსონი, შტინდლი, რაფაელი.
გაფრთხილება: ბაუმგარტლი, სუნიჩი, გენტნერი, სერეი დიე - ზომერი
კუთხური: 12-3 ჯარიმა: 14-14 თამაშგარე: 3-3 კარში დარტყმა: 22(6)-9(5) ბურთის ფლობა: 51%-49%
მაყურებელი: 51 020

აუგსბურგი-ჰოფენჰაიმი 1:3
გოლები: 0:1 ფოლანდი (10), 1:1 კოო (38), 1:2 ფოლანდი (68-პენ), 1:3 შმიდი (73)
აუგსბურგი: ჰიტცი, ვერჰაეგი, ჰონგი, კლავანი, სტაფილიდისი, ბაიერი, კოო, კორი (79. ტროხოვსკი), ჰალილ ალთინთოფი (70. მატავჟი), ესვაინი, ბობადილია (77. ჟი).
ჰოფენჰაიმი: ბაუმანი, კადერაბეკი, ბიჩაკჩიჩი, ზიულე, ტოლიანი, რუდი (46. შტრიობლი), შვეგლერი, პოლანსკი, შმიდი (86. ცუბერი), ფოლანდი, ე. ვარგასი (81. სხარი).
გაფრთხილება: ჰონგი - შტრიობლი, ფოლანდი, ზიულე, შვეგლერი
კუთხური: 7-3 ჯარიმა: 7-9 თამაშგარე: 4-2 კარში დარტყმა: 26(9)-11(5) ბურთის ფლობა: 62%-38%
მაყურებელი: 27 112

ვერდერი-ლევერკუზენი 0:3
გოლები: 0:1 მეჰმედი (31), 0:2 ბრანდტი (58), 0:3 კამპლი (65)
ვერდერი: ვიდვალდი, გერბესელასიე, ლუკიმია, ვესტერგაარდი, ს. გარსია (84. შტერნბერგი), ფ. კროოსი (56. ცანდერი), ფრიტცი, იოზთუნალი (56. ჰილსნერი), იუნუზოვიჩი, უჯა, პისარო.
ლევერკუზენი: ლენო, დონატი, ტაჰი, პაპადოპულოსი, ბიონიში, კრამერი, ლ. ბენდერი, ბელარაბი (59. კამპლი), მეჰმედი (76. ერნანდესი), ბრანდტი (72. ჩალჰანოგლუ), კისლინგი.
გაფრთხილება: ს. გარსია - ბელარაბი, დონატი
კუთხური: 2-6 ჯარიმა: 12-14 თამაშგარე: 5-7 კარში დარტყმა: 9(0)-17(7) ბურთის ფლობა: 40%-60%
მაყურებელი: 40 005

მაინცი-ბაიერნი 0:3
გოლები: 0:1 ლევანდოვსკი (51), 0:2 ლევანდოვსკი (63), 0:3 კომანი (68)
24-ე წუთზე მიულერმა ვერ გამოიყენა პენალტი
მაინცი: კარიუსი, ბროსინსკი, ბუნგერტი, ბელი, ბენგტსონი, ბაუმგარტლინგერი, ლატცა (73. მორიტცი), კლემენსი (81. ბალოგუნი), დე ბლასისი, მალი (67. ხაირო), მუტო.
ბაიერნი: ნოიერი, ლამი, ხავი მარტინესი (67. ბოატენგი), ალაბა, რაფინია, ჩაბი ალონსო, კომანი, ტიაგო ალკანტარა, დუგლას კოშტა (69. გიოტცე), მიულერი (58. ვიდალი), ლევანდოვსკი.
გაფრთხილება: ბაუმგარტლინგერი - ჩაბი ალონსო
კუთხური: 3-4 ჯარიმა: 17-11 თამაშგარე: 2-4 კარში დარტყმა: 6(1)-17(9) ბურთის ფლობა: 35%-65%
მაყურებელი: 34 000

ჰამბურგი-შალკე 0:1
გოლი: 0:1 ლ. სანე (60)
ჰამბურგი: დრობნი, დიკმაიერი, სპაჰიჩი, ჯურუ, ოშტრჩოლეკი, დიასი, ეკდალი (76. შიპლოკი), გრეგორიტში (62. ილიჩევიჩი), ჰოლტბი (70. ნ. მიულერი), ჰანტი, ლასოგა.
შალკე: ფერმანი, ჟუნიორ კაისარა, ჯ. მატიპი, ნოიშტედტერი, აოგო, ჰიოგერი (6. ლ. სანე/ 90. ჰიოვედესი), გაისი, გორეტცკა, მაიერი (73. ჰოიბერგი), ჩუპო-მოტინგი, დი სანტო.
გაფრთხილება: ჯურუ - გაისი, ნოიშტედტერი, ფერმანი
კუთხური: 4-4 ჯარიმა: 13-12 თამაშგარე: 0-1 კარში დარტყმა: 13(4)-10(5) ბურთის ფლობა: 49%-51%
მაყურებელი: 53 192

27 სექტემბერი
აინტრახტი-ჰერტა 1:1
გოლები: 1:0 მაიერი (22), 1:1 დარიდა (82)
აინტრახტი: ჰრადეცკი, იგნიოვსკი, აბრაჰამი, რუსი, ოშჩიპკა, რაინარტცი, ჰასებე, შტენდერა, მაიერი, აიგნერი (70. კასტაინოსი), კადლეცი (56. ვალდშმიდტი/87. მედოიევიჩი).
ჰერტა: იარშტეინი, ვაიზერი, შტარკი, ლუშტენბერგერი, პლატენჰარდტი, სკიელბრედი, დარიდა, ჰარაგუჩი (87. ვან დენ ბერგი), ჩიგერჩი (67. შტოკერი), კალუ (78. ბაუმიოჰანი), იბიშევიჩი.
გაფრთხილება: შტენდერა, იგნიოვსკი - შტარკი
კუთხური: 7-3 ჯარიმა: 11-14 თამაშგარე: 1-3 კარში დარტყმა: 11(2)-14(6) ბურთის ფლობა: 45%-55%
მაყურებელი: 46 000

დორტმუნდი-დარმშტადტი 2:2
გოლები: 0:1 ჰელერი (17), 1:1 ობამეიანგი (63), 2:1 ობამეიანგი (71), 2:2 სულუ (90)
დორტმუნდი: ბიურკი, გინტერი, პაპასტატოპულოსი, ჰუმელსი, შმელცერი, ვაიგლი, გიუნდოგანი, მხითარიანი, კაგავა (90+1. რამოსი), როისი (59. იანუზაი), ობამეიანგი.
დარმშტადტი: მატენია, გარიჩი, სულუ, კალდიროლა, ხუნიორ დიასი, გონდორფი (83. შტორ-ენგელი), ნიმაიერი (57. იუნგვირტი), ჰელერი, რაუში (67. კემპე), როზენტალი, ვაგნერი.
გაფრთხილება: - ვაგნერი, ჰელერი
კუთხური: 8-0 ჯარიმა: 16-12 თამაშგარე: 4-2 კარში დარტყმა: 16(4)-4(3) ბურთის ფლობა: 69%-31%
მაყურებელი: 81 359

ბომბარდირები: 10 - რობერტ ლევანდოვსკი (ბაიერნი); 9 - პიერ-ემერიკ ობამეიანგი (დორტმუნდი); 6 - თომას მიულერი (ბაიერნი); 5 - იუნუს მალი (მაინცი), ბას დოსტი (ვოლფსბურგი), ანტონი მოდესტე (კიოლნი).

მომდევნო ტური
2 ოქტომბერი:
დარმშტადტი-მაინცი.

3 ოქტომბერი:
გლადბახი-ვოლფსბურგი, ჰანოვერი-ვერდერი, ჰერტა-ჰამბურგი, ჰოფენჰაიმი-შტუტგარტი, ინგოლშტადტი-აინტრახტი.

4 ოქტომბერი:
შალკე-კიოლნი, ბაიერნი-დორტმუნდი, ლევერკუზენი-აუგსბურგი.

ყოველდღიური სპორტული გაზეთი "ლელო"