10 თებერვალს გერმანიის თასის გათამაშების 1/4-ფინალის დარჩენილი ორი შეხვედრა გაიმართა. ტურნირის ნახევარფინალში თამაშის უფლება მიუნხენის "ბაიერნმა" და ბერლინის "ჰერტამ" მოიპოვეს."ბაიერნმა" სტუმრად მეორე ბუნდესლიგის გუნდ "ბოხუმს" სამი უპასუხო გოლი გაუტანა. ანგარიში 38-ე წუთზე რობერტ ლევანდოვსკიმ გახსნა. უპირატესობის გაზრდა მალევე შეეძლო თომას მიულერს 11-მეტრიანით, თუმცა მეკარეს ვერ აჯობა. მანამდე კი მასპინძლებს იან შიმუნეკი გაუძევეს.
"ბაიერნმა" მეორედ 61-ე წუთზე გაიტანა - გოლით ტიაგო ალკანტარა გამოირჩა, საბოლოო ანგარიში კი ბოლო წუთზე ლევანდოვსკიმ დუბლით დააფიქსირა.
იხილეთ ვიდეო
![Sportall.Ge](/pictures/artimages/image16/d3ca78a30828f1bf1da41cdbc5867e13.jpg "გერმანიის თასი. 1/4-ფინალი: ლევანდოვსკიმ "ბოხუმთან" დუბლი შეასრულა [VIDEO]")
დღის მეორე მატჩში ბერლინის "ჰერტამ" სტუმრად მეორე
ანგარიში მასპინძლებმა მე-10 წუთზე არნე ფაიკის გოლით გახსნეს, თუმცა მალევე ზედიზედ ორი გაუშვეს - დუბლით ვედად იბიშევიჩი (მე-14, 21-ე წუთები) გამოირჩა. მეორე ტაიმში "ჰერტას" უპირატესობა გენკი ჰარაგუჩიმ გაზარდა. საბოლოო ანგარიში კი მარკ შნატერერმა 82-ე წუთზე, პენალტით დააფიქსირა.
გერმანიის თასის ნახევარფინალური მატჩები 19 და 20 აპრილს გაიმართება. "ბაიერნი" შინ ბრემენის "ვერდერს" მიიღებს, "ჰერტა" კი ბერლინში დორტმუნდის "ბორუსიას" უმასპინძლებს.
![ლევანდოვსკის ჰეთ თრიკი 32 წუთში - "ბარსელონამ" "ალავესი" დაამარცხა [VIDEO]](/pictures/image7/97b7c244c67ac10646f82e2bc4f717f8.jpg "ლევანდოვსკის ჰეთ თრიკი 32 წუთში - \"ბარსელონამ\" \"ალავესი\" დაამარცხა [VIDEO]")
