ბუნდესლიგა. XXI ტურის ფაქტები და სტატისტიკა: კრამნის სერია

* 13 თებერვალს "კიოლნმა" დაარსებიდან 68 წლის იუბილე "აინტრახტთან" მოგებით აღნიშნა.

* "დორტმუნდს" ბუნდესლიგაში 13 საშინაო მატჩია, არ წაუგია და თითოეულ მათგანში ორი ან მეტი გოლი აქვს გატანილი.

* ბუნდესლიგაში "ვერდერი" საშუალოდ ყველაზე მეტ ქულას "ჰოფენჰაიმთან" ურთიერთშეხვედრებში იღებს - 2,13.

* "ინგოლშტადტს" 21 ტურის მერე სულ რაღაც 14 გოლი აქვს გატანილი და 26 ქულის დაგროვება მოახერხა. არც ერთ სხვა გუნდს აქამდე არ მოუხერხებია ოდენ 14 გოლით 26 ქულის დაგროვება.

* "შტუტგარტი" და "ჰერტა" მატჩის დაწყებამდე ყველაზე ხანგრძლივი წაუგებელი სერიის მქონე გუნდები იყვნენ, ხოლო შტუტგარტელთა გამარჯვების შემდეგ ისინი ეულად დარჩნენ ამ მხრივ საუკეთესოები და უკვე 7 ტურია, არ დამარცხებულან. "ბაიერნს" 6 ტური არ წაუგია.

* "ვოლფსბურგის" კრისტიან ტრეშმა "მგლების" მაისურით თავისი მე-100 ბუნდესლიგური მატჩი ჩაატარა.

* როდესაც "ვოლფსბურგის" რობინ კნოხეს გააქვს, გუნდი იგებს. მსგავსი რამ მეექვსედ მოხდა. მან 440-დღიანი პაუზის მერე შეაგდო.

* სერეი დიემ "შტუტგარტის" რიგებში ჩემპიონატში თავის 31-ე მატჩში პირველი გოლი გაიტანა.

* ჰენრიხ მხითარიანს ამ სეზონში 33 მატჩში აქვს მონაწილეობა მიღებული და მან 35 გოლში მიიღო მონაწილეობა - 18 გაიტანა, 17 გაატანინა.

* იულიან შიბერი 13 თებერვალს 27 წლის გახდა. იგი მინდორს სწორედ საკუთარ დაბადების დღეზე დაუბრუნდა, მას მერე, რაც ტრავმის გამო 356 დღე გაუცდა.

* "ჰოფენჰაიმში" მოთამაშე ანდრეი კრამარიჩი გახდა მეორე, გერმანიის მიმდინარე ჩემპიონატში, რომელმაც გოლიც გაიტანა და წითელი ბარათიც მიიღო.

* ისტორიაში პირველად, ბრემენის "ვერდერს" ბუნდესლიგაში 8 საშინაო თამაშია, არ მოუგია - 3 ფრე, 5 წაგება.

* ამ სეზონში პირველად ხდება ისე, რომ "ლევერკუზენი" 6 შეხვედრაა, დაუმარცხებელია.

* იურგენ კრამნი "შტუტგარტის" მთავარ მწვრთნელად 2015 წლის ნოემბერში დაინიშნა. მისი მონაგარი მატჩში საშუალოდ 2,1 ქულაა და დროებით მაინც ის ბუნდესლიგაში კლუბის ისტორიაში საუკეთესო მწვრთნელად იქცა.

* "აინტრახტს" "კიოლნი" გასვლაზე 1994 წლის მაისის მერე არ დაუმარცხებია.

* ფრანკფურტელთა ალექსანდრ მაიერმა "კიოლნის" წინააღმდეგ ჩატარებულ უკანასკნელ 4 შეხვედრაში 8 გოლი გაიტანა.

* 2989-დღიანი პაუზის მერე (2007 წლის დეკემბერი) "ჰამბურგის" გოლკიპერმა რენე ადლერმა ისევ გააკეთა საგოლე პასი.

* "ბაიერნის" მცველების ოთხეულის საშუალო სიმაღლე "აუგსბურგთან" მატჩში 174 სანტიმეტრი იყო. არც ერთი უკანახაზელი არ გახლდათ 180 სანტიმეტრზე მაღალი.

* რობერტ ლევანდოვსკიმ 2016 წელს 5 მატჩი ჩაატარა და 4-ჯერ შეძლო დუბლის შესრულება. ეს ევროპის წამყვან ჩემპიონატებში საუკეთესო შედეგია.

* ლევანდოვსკისა (21) და თომას მიულერს (15) 21 ტურის შემდგომ, ჯამში, 36 გოლი აქვთ გატანილი. ბუნდესლიგის ისტორიაში 21 ტურის მერე ასეთი შედეგიანი წყვილი არც ერთ გუნდს არ ჰყოლია.

* ლევანდოვსკი და მიულერი თავიანთი 36 გოლით გერმანიის მიმდინარე ჩემპიონატის 15 გუნდს სჯობიან.

* "ჰამბურგის" ფეხბურთელებმა "გლადბახთან" მოგებულ მატჩში 126,6 კილომეტრი დაფარეს. ეს ბუნდესლიგის მიმდინარე სეზონის ახალი რეკორდია.

* ჟოელ მატიპს თავისი 17 ბუნდესლიგური გოლიდან 16 სტანდარტული მდგომარეობების მერე აქვს გატანილი.

ყოველდღიური სპორტული გაზეთი "ლელო"