ასოციაციის თასი: შვაინშტაიგერის მონატრებული გოლი [VIDEO]

ინგლისში ასოციაციის თასის IV რაუნდის მატჩები გაიმართა. იურგენ კლოპის "ლივერპული" კრიზისშია, გუნდი შინ 1:2 დამარცხდა "ვულვერჰემპტონთან" და თასის გათამაშებას გამოეთიშა. დივოკ ორიჯის გოლი 86-ე წუთზე ოდენ პრესტიჟისა აღმოჩნდა.


"ჩელსის" "ბრენტფორდის" დამარცხება არ გასჭირვებია - 4:0. გოლები ვილიანმა, პედრომ, ბრანისლავ ივანოვიჩმა და მიში ბატშუაიმ გაიტანეს.


"სიტიმ" ლონდონში დაამარცხა "კრისტალ პალასი" - 3:0. აქ თავი რაჰიმ სტერლინგმა, ლეროი სანემ და იაია ტურემ გამოიჩინეს.

"ტოტენჰემმა" 7-გოლიანი თრილერი მოუგო "უიკომბს", არადა, 0:2-ს აგებდა, შემდეგ კი 2:3-საც. გადამწყვეტი გოლი კორეელმა სონმა მსაჯის მიერ მე-7 კომპენსირებულ წუთზე გაიტანა - 4:3 და "დეზები" მეხუთე რაუნდში არიან.

"არსენალმა" სტუმრად "საუთჰემპტონი" გააცამტვერა - 5:0. დენი უელბეკმა დუბლი შეასრულა, ხოლო თეო უოლკოტმა - ჰეთ თრიკი.


გადახალისებული შემადგენლობით მოთამაშე "მანჩესტერ იუნაიტედმა" იოლად მოუგო "უიგანს" - 4:0. თავი მარუან ფელაინიმ, კრის სმოლინგმა, ჰენრიხ მხითარიანმა და ბასტიან შვაინშტაიგერმა გამოიჩინეს.

ისტორიაში პირველად მოხდა, რომ 1/8-ფინალში გავიდა ინგლისის მეხუთე დივიზიონის ორი კლუბი ("სატონ იუნაიტედი" და "ლინკოლნ სიტი").

ასოციაციის თასი. IV რაუნდი
დერბი-ლესტერი 2:2
ლივერპული-ვულვერჰემპ. 1:2
ტოტენჰემი-უიკომბი 4:3
როჩდეილი-ჰადერსფილდი 0:4
ოქსფორდი-ნიუკასლი 3:0
მიდლსბრო-აკრინგტონი 1:0
ლინკოლნი-ბრაიტონი 3:1
კრ. პალასი-სიტი 0:3
ჩელსი-ბრენტფორდი 4:0
ბარნლი-ბრისტოლი 2:0
ბლექბერნი-ბლექპული 2:0
საუთჰემპტონი-არსენალი 0:5
მილუოლი-უოტფორდი 1:0
ფულჰემი-ჰალი 4:1
სატონი-ლიდსი 1:0
მანჩესტერი-უიგანი 4:0

31 იანვარი
ლესტერი-დერბი 23:45

ყოველდღიური სპორტული გაზეთი "ლელო"