"მანჩესტერ სიტის" მთავარმა მწვრთნელმა რობერტო მანჩინიმ ინგლისელ ჟურნალისტებს განუცხადა, რომ გუნდში არგენტინელი თავდამსხმელის კარლოს ტევესის დაბრუნებას არ გამორიცხავს. ტევესს გასული წლის სექტემბრის შემდეგ არ უთამაშია."ყველამ იცის, რომ კარლოსი უმაღლესი დონის ფეხბურთელია. მას "სიტისთვის" ზოგიერთი რთული მატჩის ბედის გადაწყვეტა შეეძლო. თუ დაბრუნდება, სეზონის ბოლო სამ თვეს დაგვეხმარება. ეს მის მდგომარეობასა და გადაწყვეტილებაზეა დამოკიდებული. მას ვესაუბრე და მდგომარეობის ახსნა ვცადე. თუ ტევესი თამაშს ისურვებს, შეუძლია გუნდში დაბრუნდეს", - განაცხადა მანჩინიმ.
