ლონდონის "ტოტენჰემის" ხელმძღვანელობა ახალ მთავარ მწვრთნელს ეძებს იმ შემთხვევისთვის, თუ ამჟამინდელი თავკაცი ჰარი რედნაპი გუნდს დატოვებს. "დეზების" მთავარი მწვრთნელი ინგლისის ნაკრების თავკაცად დანიშვნის მთავარი კანდიდატია."ტოტენჰემის" თავკკაცობის კანდიდატებს შორის გერმანელი სპეციალისტი იურგენ კლინსმანი და ჰოლანდიელი გუს ჰიდინკი არიან, რომლებიც ბოლოს ნაკრებ გუნდებს ედგნენ სათავეში. 47 წლის კლინსმანი ახლაც აშშ-ს ნაკრებს ხელმძღვანელობს, ჰიდინკი კი თურქეთის ნაკრების მთავარი მწვრთნელის თანამდებობიდან გასული წლის ბოლოს გაათავისუფლეს.
