"მანჩესტერ იუნაიტედის" ფორვარდმა ხავიერ ერნანდესმა "აიაქსთან" ევროპის ლიგის 1/16 ფინალური მატჩის წინ განაცხადა, რომ "წითელი ეშმაკები" ტურნირის მოგებას გეგმავენ."ჩემპიონთა ლიგას ორივე გუნდი გამოეთიშა. არადა, ორივე კლუბს ბრწყინვალე ისტორია აქვს და ჩემპიონთა ლიგა არაერთხელ მოიგეს, ამიტომ ძალიან საინტერესო მატჩი გველის.
უნდა შევეჩვიოთ, რომ ჩემპიონთა ლიგას გამოვეთიშეთ.
"მანჩესტერ იუნაიტედისთვის" არ არის მნიშვნელოვანი, რომელ შეჯიბრში მიიღებს მონაწილეობას. ამ ტურნირის მოგება გვინდა და სულერთია, ვინ იქნება ჩვენი მეტოქე", - განაცხადა ერნანდესმა.
