გულშემატკივრებმა ლონდონის "ტოტენჰემის" ნახევარმცველი სკოტ პარკერი ინგლისის ნაკრების 2011 წლის საუკეთესო მოთამაშედ დაასახელეს. პარკერი გულშემატკივრებმა ინგლისის საფეხბურთო ასოციაციის ოფიციალურ საიტზე ჩატარებული გამოკითხვის შედეგად აირჩიეს. გამოკითხვაში მეორე ადგილი მეკარე ჯო ჰარტმა დაიკავა, მესამეზე კი ნახევარმცველი ეშლი იანგი გავიდა.
პარკერმა 2011 წელს ინგლისის ნაკრების შვიდ მატჩში ითამაშა, მათ შორის ნოემბერში მსოფლიოს და ევროპის ჩემპიონ ესპანეთის ნაკრებთან, რომელიც ინგლისელებმა 1:0 დაამარცხეს.
31 წლის პარკერი "ტოტენჰემში" 2011 წლის აგვისტოდან გამოდის. ინგლისის ჩემპიონატის 2011/12 წლის სეზონში ნახევარმცველმა 22 მატჩი ჩაატარა.
წარსულში ინგლისის ნაკრების საუკეთესო ფეხბურთელები
