ლონდონის "არსენალის" და ჰოლანდიის ნაკრების ფორვარდმა რობინ ვან პერსიმ განაცხადა, რომ ინგლისის ნაკრების თამაში ძალიან მოეწონა."ინგლისს ძალიან კარგი გუნდი ჰყავს. ისინი ჩვენთან შედარებით ახალგაზრდები არიან, მაგრამ ძალიან საინტერესო თამაში აჩვენეს. ეს ძალიან ძლიერი ნაკრებია.
ვფიქრობ, მათ ევრო 2012-ზე კარგად გამოსვლის შესანიშნავი შანსი აქვთ.
ორივე გუნდი კარგად თამაშობდა. სიმართლე გითხრათ, ძალიან გაგვიმართლა, რომ შეხვედრის ბოლო წუთებზე გამარჯვების გამოგლეჯა შევძელით. ეს შესანიშნავი გამარჯვება იყო. ხუთი გოლი, კარგი ფეხბურთი, - ყველა ბედნიერია," - განაცხადა თავდამსხმელმა.
