"მანჩესტერ სიტის" მთავარმა მწვრთნელმა რობერტო მანჩინიმ კარლოს ტევესზე ისაუბრა, რომლისთვისაც ლონდონის "ჩელსისთან" მატჩი (2:1) დიდი ხნის მანძილზე ჩატარებული პირველი ოფიციალური შეხვედრა გამოდგა."ის ჯერჯერობით 100 პროცენტით მზად არ არის, მაგრამ ეს ნორმალურია. მან იცის, როგორ ითამაშოს ფეხბურთი. "ჩელსისთან" მატჩში მან ნასრის შესანიშნავი საგოლე გადაცემა გაუკეთა.
მთელი თვის მანძილზე ტევესს ყოველდღე ველაპარაკებოდი. მან იცოდა, რომ 20 წუთით გამოვიდოდა მოედანზე.
ჩვენთვის ძალიან კარგი იქნება, კარლოსმა 10 დღეში ფორმა რომ აღიდგინოს. მომავალში ის მეტს ითამაშებს", - თქვა მანჩინიმ.
