65 წლის იტალიელი სპეციალისტი ფაბიო კაპელო, რომელმაც ექვსი კვირის წინ ინგლისის ნაკრები დატოვა, შესაძლოა, ნისლიან ალბიონზე დაბრუნდეს. კაპელო სამწვრთნელო კარიერის დასრულებას არ აპირებს და უახლოეს ხანში შესაძლოა, ლონდონის "ჩელსის" ჩაუდგეს სათავეში. "არისტოკრატებს" ანდრე ვილაშ-ბოაშის გათავისუფლების შემდეგ რობერტო დი მატეო წვრთნის.
კაპელოსთან დაახლოებულმა პირმა განაცხადა, რომ იტალიელი სამწვრთნელო კარიერის გაგრძელებას კიდევ ორი წლით აპირებს და თუ საინტერესო პროექტს შესთავაზებენ, ინგლისში დაბრუნებაზე თანახმაა.
