ლეგენდარული ჰოლანდიელი იოჰან კრუიფი "ლივერპულის" საფეხბურთო დირექტორის თანამდებობაზე დანიშვნის კანდიდატია. ეს თანამდებობა 12 აპრილს ფრანგმა დამიენ კომოლიმ დატოვა.
ჯერჯერობით უცნობია, დაინტერესებულია თუ არა 64 წლის ჰოლანდიელი ამ წინადადებით. თუმცა კრუიფს ადრე არაერთხელ განუცხადებია, რომ კლუბში რომელიმე ოფიციალური თანამდებობის დაკავება სურს.
ამავე დროს, მეორე ჰოლანდიელმა სპეციალისტმა ლუი ვან გაალმა აღიარა, რომ ამ მოვალეობის შესრულებით დაინტერესებულია.
