ჯერმეინ დეფო "უაით ჰართ ლეინზე" პირველად 2004 წლის ზაფხულზე გამოჩნდა. "პორტსმუთში" გატარებულ 1,5 წელიწადს თუ გამოვაკლებთ, "დეზების" რიგებში მას შვიდ წელიწადზე მეტი აქვს გატარებული და თანაც, ასაკი უწყობს ხელს, რომ დამსახურებულ ვეტერანად ჩათვალოს თავი. 30 წლის თავდამსხმელის მტკიცებით, ანდრე ვილაშ ბოაშის "ტოტენჰემი" საუკეთესოა იმათ შორის, რომელშიც მას უთამაშია. აი, რას ამბობს ჩრდილოლონდონელთა თავდასხმის ლიდერი:"ყოველთვის ვამბობდი, რომ მაღალი კლასის შემსრულებლების გვერდით მოედანზე დასახული ამოცანის მიღწევა უფრო იოლი ხდება. მით უფრო, როცა თავდამსხმელი ხარ, გასატანად ვიღაცამ მომენტი უნდა შეგიქმნას. ბევრ ჩვენგანს
თავს უკვე ძალიან კარგად ვგრძნობ. ბოლო რამდენიმე დღეა, სრულად ვიტვირთები. ასე რომ, საბრძოლველად მზად ვარ. "ტოტენჰემში" დიდი ხანია ვთამაშობ და თუკი გუნდში ამჟამად არსებულ ატმოსფეროს ძველსას შევადარებ, უნდა ითქვას, რომ დღეს ის საუკეთესოა, რაც აქამდე მიგრძვნია. ჩვენი ბაზა ვარჯიშისას სკას მოგაგონებთ, სადაც ფუტკრები დაუზარებლად აკეთებენ თავიანთ საქმეს. ტრავმირებული ფეხბურთელებიც კი მაქსიმალურად ბევრს შრომობენ, რათა შემადგენლობას, რაც შეიძლება, სწრაფად დაუბრუნდნენ".
ასევე იხილეთ:
"ტოტენჰემი": დეფოს მცირე შვებულება
