ინგლისის საფეხბურთო ასოციაციის დამოუკიდებელმა კომისიამ ბრანისლავ ივანოვიჩზე არასპორტული თავდასხმის გამო ლუის სუარესს 10-თამაშიანი დისკვალიფიკაცია მისცა. საფეხბურთო ექსპერტების ვარაუდით, მას სეზონის ბოლომდე (4 თამაში) დასჯიდნენ. ზოგი კი ვარაუდობდა, რომ მას 6-7 მატჩით ჩამოაშორებდნენ მინდორს. ასეთ მკაცრ სასჯელს არავინ ელოდა. ურუგვაელს აპელაციის ვადა 26 აპრილს ეწურება.ურუგვაის ფეხბურთის ფედერაციის პრეზიდენტის, სებასტიან ბაუსას თქმით კი, "ლივერპულის" თავდამსხმელმა მასთან პირად საუბარში აღიარა, რომ ფსიქოლოგის დახმარება სჭირდება.
"ძალიან გვინდა, რომ ფეხბურთელს ამჟამინდელი მძიმე ფონი როგორმე შევუმსუბუქოთ. მას ველაპარაკე და ვიცი, რომ ძალიან ნანობს ჩადენილ საქციელს.
სუარესს ფსიქოლოგთა დახმარება სჭირდებაო, პირველად ეს ინგლისის პროფესიონალ ფეხბურთელთა ასოციაციის პრეზიდენტმა გორდონ ტეილორმა თქვა.
ყოველდღიური სპორტული გაზეთი "ლელო"
ასევე იხილეთ:
კიდევ ერთი შანსი ლუის სუარესს
