"მანჩესტერ იუნაიტედთან" 5-წლიანი კონტრაქტის გაფორმების შემდეგ მანკუნიანელთა ოფიციალურმა ვებგვერდმა გადაწყვიტა, 20 წლის მარჯვენა მცველი გილერმო ვარელა გულშემატკივრებისთვის წარედგინა. ამისთვის ერთგვარი მოდელირებული ინტერვიუ შედგა. კითხვებიც და პასუხებიც საიტის თანამშრომლებს ეკუთვნით.
- რა სტილის ფეხბურთელია გილერმო?
- სწრაფი, აგრესიული განაპირა მცველი, ვინც განსაკუთრებით ეფექტურია დაცვაში. სწორედ ეს თვისება გამოარჩევს მას სხვა სამხრეთამერიკელი მცველებისგან, რომელთაც განსაკუთრებით უყვართ შეტევაში ჩართვა.
- რა არის მისი ძლიერი მხარეები?
- გარდა იმისა, რომ დაცვაში საიმედოა, ის იმდენად ცივსისხლიანი ფეხბურთელია, რომ ძნელად თუ რამე გამოიყვანს წყობილებიდან. გილერმე იოლად
- რა მხრივ უნდა მოუმატოს?
- სისწრაფის ხარჯზე გილერმე შეტევაში სწრაფად ერთვება, მაგრამ "ოლდ ტრეფორდზე" მას ამ მხრივ მომატება მოუწევს.
- რატომ ვერ თამაშობდა "პენიაროლში" რეგულარულად?
- მთავარი მწვრთნელი ხორხე და სილვა გუნდში თებერვალში მივიდა და თან მიიყვანა ახალი ფეხბურთელების მთელი ჯგუფი. ამან ვარელას სათამაშო დროზე იმოქმედა.
- როდის მოხვდა "იუნაიტედის" სამიზნეში?
- სკაუტებმა მას ყურადღება მიაქციეს არგენტინაში ჩატარებულ მსოფლიოს 20-წლამდელთა ჩემპიონატზე. მიუხედავად მჭიდრო გრაფიკისა და გაუსაძლისი სიცხისა, ის ბოლომდე იბრძოდა.
- "კერინგტონში" გასინჯვაზე თავი როგორ წარმოაჩინა?
- სეზონის მიწურულს მან გუნდთან ერთად 10 დღე გაატარა. თუკი ფეხბურთელის დონე სასურველზე დაბალია, ეს იოლად ჩნდება სხვების ფონზე. მან კი დადებითი შთაბეჭდილება დატოვა როგორც სერ ალექს ფერგიუსონზე, ისე ფეხბურთელებზეც.
- "იუნაიტედის" ყოფილი ფეხბურთელებიდან ვისთან შეიძლება მისი შედარება?
- მას ჯერ კიდევ სჭირდება ფიზიკურად მომძლავრება, მაგრამ თამაშისადმი მიდგომის მხრივ, გაბრიელ ჰაინცეს ჰგავს.
- რამდენად სწრაფად მოახერხებს ახალ ქვეყანასთან ადაპტაციას?
- გუნდში რამდენიმე ესპანურენოვანი ახალგაზრდაა, მაგალითად: დე ხეა, ერნანდესი, ენრიკესი. იმედია, გილერმე მათი დახმარებით იოლად ისწავლის ინგლისურს და ალღოს აუღებს მანჩესტერულ ცხოვრებას. სინჯებზე ყოფნისას მას სერიოზულად ეხმარებოდა ჩიჩარიტო.
- და რა იქნება ახლა?
- ახლა მას წინ ელოდება თურქეთში გასამართი 20-წლამდელთა მსოფლიოს ჩემპიონატი, სადაც "იუნაიტედის" კიდევ რამდენიმე ფეხბურთელი ითამაშებს. მაგალითად: ენრიკესი, ტომ ტორპი, სემ ჯონსტონი, ლარნელ კოული. ჩვენ თითოეულ მათგანს ყურადღებით დავაკვირდებით.
ყოველდღიური სპორტული გაზეთი "ლელო"
ასევე იხილეთ:
"მანჩესტერ იუნაიტედის" პირველი შენაძენი
