"მანჩესტერ იუნაიტედის" მცველი რიო ფერდინანდი სეზონის დასრულების შემდეგ, სავარაუდოდ, კლუბს დატოვებს. ამის შესახებ ცნობას გამოცემა The Telegraph-ი ავრცელებს.35 წლის ინგლისელის კონტრაქტი 2014 წლის ივნისში მთავრდება. კლუბის ხელმძღვანელობამ კი ფეხბურთელს ჯერ კიდევ არ შესთავაზა ახალი კონტრაქტი და როგორც ჩანს, ამის გაკეთებას არც აპირებს.
"წითელი ეშმაკების" მთავარი მწვრთნელი დევიდ მოიესი ფერდინანდის მაგივრად დაცვის ცენტრში კრის სმოლინგს, ჯონი ევანს და ფილ ჯონსს იყენებს.
მიმდინარე სეზონში ფერდინანდმა ინგლისის ჩემპიონატში 7 მატჩი ჩაატარა. თავად ფეხბურთელს კი ჯერ არ აურჩევია, გააგრძელოს საფეხბურთო კარიერა თუ არა.
