ინგლისის პრემიერლიგის მე-19 ტურის მატჩში "ვესტ ჰემი" და "ვესტ ბრომვიჩი" 3:3 დაზავდნენ. ამ შეხვედრაში სტუმართა ფრანგმა ვეტერანმა ნიკოლა ანელკამ დუბლი უკვე პირველ ტაიმში გაიტანა, თუმცა გოლის გამოხატვისას ჟესტით თავი შარში გაყო. ანელკას ანტისემიტური გამოხტომა დასწამეს. თავად ანელკა ამტკიცებს, რომ ეს ჟესტი ეკუთვნის ფრანგ კომიკოს დიოდონე მბალა მბალას და მან სწორედ მსახიობის მხარდასაჭერად გამოიყენა - გოლი მას უძღვნა.
მბალა მბალა ცნობილი ანტისიონისტია მთელ საფრანგეთში, საფრანგეთის მთავრობა ერთი ხანობა მისი შოუს დახურვასაც კი აპირებდა.
