ლონდონის "ჩელსის" მთავარმა მწვრთნელმა ჟოზე მოურინიომ ინგლისის პრემიერლიგის მე-14 ტურში "ტოტენჰემთან" (3:0) გამარჯვების შემდეგ აღნიშნა, რომ არასდროს ეპარებოდა ეჭვი დიდიე დროგბას შესაძლებლობებსა და დიდსულოვნებაში. 36 წლის კოტდივუარელმა ფეხბურთელმა, რომელიც "ჩელსის" გასულ ზაფხულს დაუბრუნდა, ყველა ტურნირის 17 შეხვედრაში უკვე ხუთი გოლი გაიტანა. ბოლოს კი ის სწორედ "ტოტენჰემთან", 3 დეკემბერს გამართულ შეხვედრაში გამოირჩა - გოლითა და საგოლე გადაცემით.
იხილეთ ვიდეო
"დროგბა - გუნდური მოთამაშეა. მას ძველმოდური მენტალიტეტი აქვს: დიდიესთვის უცხოა წუწურაქობა და პატივმოყვარეობა. ის სულ გუნდისთვის იბრძვის.მას შემდეგ, რაც "ჩელსიში" დაბრუნდა,
დიდიე დროგბას შესაძლებლობებში ეჭვი არ მეპარება. ვიცოდი, რომ ის ახალ როლს გაითავისებდა და გაგებით მოეკიდებოდა იმ ფაქტსაც, რომ ყოველთვის პირველივე წუთებიდან არ ითამაშებდა", - თქვა მოურინიომ.
![მოურინიოს მდიდრული ცხოვრება სტამბულში - მინიმუმ 1000 ფუნტი დღეში, "დონერ ქებაბი" და რა საკვები შედის პორტუგალიელის ყოველდღიურ მენიუში [PHOTOS]](/pictures/image7/480b51054f1680b7a8882ee94e27a592.jpeg "მოურინიოს მდიდრული ცხოვრება სტამბულში - მინიმუმ 1000 ფუნტი დღეში, \"დონერ ქებაბი\" და რა საკვები შედის პორტუგალიელის ყოველდღიურ მენიუში [PHOTOS]")
