ცუდი ამბავია "მანჩესტერ იუნაიტედის" ბანაკში - "წითელ ეშმაკებს" "ევერტონთან" 0:3 წაგება არ ეყოფოდათ და ახლა, როგორც ირკვევა, იმ შეხვედრაში უეინ რუნის მიერ მიღებული ტრავმა არცთუ სახუმაროა. 29 წლის "შრეკმა" მუხლი დაიზიანა და ამის გამო, შესაძლოა, ამ სეზონში ვეღარც ითამაშოს.
მისი მონაგარი მიმდინარე პრემიერლიგაში ჩატარებულ 30 მატჩში გატანილი 15 გოლი და 5 საგოლე გადაცემაა, მაგრამ მოგეხსენებათ ისიც, რომ მან მატჩების დიდი ნაწილი ნახევარმცველის ამპლუაში ჩაატარა.
