31 ოქტომბერს ინგლისის პრემიერლიგის მე-11 ტურის 7 შეხვედრა გაიმართა. იურგენ კლოპმა პრემიერლიგაში პირველი მატჩი მოიგო და ეს მან ლონდონში შეძლო "ჩელსის" წინააღმდეგ - 3:1.
მართალია, მე-4 წუთზე რამირესმა, რომელმაც ახლახან კონტრაქტი გაახანგრძლივა "ჩელსისთან" თავისი გუნდი წინ გაიყვანა, მაგრამ ტაიმის მიწურულს ბრაზილიელმა ფილიპე კოუტინიომ გაათანაბრა.
74-ე წუთზე კოუტინიომ დუბლი შეასრულა, ხოლო საბოლოო ანგარიში შეცვლაზე შესულმა კრისტიან ბენტეკემ დააფიქსირა.
"ჩელსიმ" 11 ტურში მეექვსე მატჩი წააგო და მე-15 ადგილზეა.
იხილეთ ვიდეო
ჟოზე მოურინიო (ჩელსი): "ლივერპულთან" თამაშის შემდეგ არაფერი მაქვს სათქმელი და არც ჩემი
იურგენ კლოპი (ლივერპული): "თავიდან მართლაც ვერ დავიწყეთ კარგად თამაში, თუმცა რგოლებს შორის სივრცე ვიპოვნეთ და პირველ ტაიმში გავათანაბრეთ. მეორე ტაიმი უფრო "ღია" იყო. გოლები გავიტანეთ და ეს გამარჯვებაც სავსებით დავიმსახურეთ. ვუთანაგრძნობ მოურინიოს, რომელიც მსოფლიოს ერთ-ერთი საუკეთესო მწვრთნელია, მაგრამ ასეთი რამეები კარიერაში ხდება ხოლმე. ზუსტად ასეთი სიტუაცია მქონდა "დორტმუნდში" შარშან. იბრძოლებს "ლივერპული" ჩემპიონობისთვის? ბოდიში, მაგრამ თქვენ გიჟი ხართ. არ მინდა გამოვჩნდე არასასიამოვნო ტიპად, მაგრამ, რა თქმა უნდა, ამაზე არ ვფიქრობთ, ჩვენი მიზანი უკეთ თამაშია, ახლა კი შინ მიგვეჩქარება".
"არსენალმა" უელსში 3:0 მოუგო "სუონსის", აღსანიშნავია, ხოელ კემპბელის გოლი. "მანჩესტერ სიტიმ" რთულ ბრძოლაში აჯობა ბოლოს ათი კაცით მოთამაშე "ნორვიჩს" - 2:1. გამარჯვების გოლი იაია ტურემ 89-ე წუთზე პენალტით გაიტანა. სხვათა შორის, ამის შემდეგ პენალტი ვერ გაიტანა ალექსანდრ კოლაროვმა, მან ბურთი კარს ააცილა. "სიტი" და ""არსენალი" 25-25 ქულით ლიდერობენ.
"მანჩესტერ იუნაიტედი" სტუმრად "კრისტალ პალასს" დაუზავდა - 0:0. ამიტომ მას კლაუდიო რანიერის "ლესტერმა" გადაუსწრო, რომელმაც სტუმრად "ვესტ ბრომვიჩს" აჯობა - 3:2. დუბლი შეასრულა რიად მაჰრეზმა, ხოლო ჯეიმი ვარდიმ ჩემპიონატში მე-11 გოლი გაიტანა.
ჩელსი-ლივერპული 1:3
გოლები: 1:0 რამირესი (4), 1:1 კოუტინიო (45), 1:2 კოუტინიო (74), 1:3 ბენტეკე (83)
სუონსი-არსენალი 0:3
გოლები: 0:1 ჟირუ (49), 0:2 კოშელნი (73), 0:3 კემპბელი (73)
იხილეთ ვიდეო
ვესტ ბრომვიჩი-ლესტერი 2:3
გოლები: 1:0 რონდონი (30), 1:1 მაჰრეზი (57), 1:2 მაჰრეზი (64), 1:3 ვარდი (77), 2:3 ლამბერტი (84-პენ)
კრისტალ პალასი-მანჩესტერი 0:0
სიტი-ნორვიჩი 2:1
გოლები: 1:0 ოტამენდი (67), 1:1 ჯერომი (83), 2:1 ი. ტურე (89-პენ)
გაძევება: მარტინი (88. ნორვიჩი)
შენიშვნა: კოლაროვმა (სიტი) ვერ გაიტანა პენალტი (97)
იხილეთ ვიდეო
ნიუკასლი-სტოკი 0:0უოტფორდი-ვესტ ჰემი 2:0
გოლები: 1:0 იგალო (39), 2:0 იგალო (48)
გაძევება: კოლინზი (84. ვესტ ჰემი)
1. სიტი - 25 ქულა; 2. არსენალი - 25; 3. ლესტერი - 22; 4. მანჩესტერი - 21; 5. ვესტ ჰემი - 20.
