ლონდონის "ტოტენჰემის" ინგლისელ ფორვარდს ჰარი კეინს, ბოლო პერიოდში არაერთი მსურველი გამოუჩნდა. სწორედ ამიტომ ლონდონელები მის შესანარჩუნებლად ხელფასის გაორმეგას აპირებენ.ინფორმაციას ამის შესახებ Goal.com ავრცელებს.
კეინის მიმდინარე ხელფასი კვირაში 35 ათას ფუნტ სტერლინგს შეადგენს, კონტრაქტი კი 2020 წლამდეა გათვლილი.
22 წლის ფეხბურთელმა პრემიერლიგის მიმდინარე სეზონში 13 შეხვედრა ჩაატარა, სადაც 8 გოლის გატანა მოახერხა. ამის გარდა, ევროპის ლიგაზე ჩატარებულ 5 შეხვედრაში კეინის ანგარიშზე 2 გოლი და 1 საგოლე გადაცემაა.
