"მანჩესტერ იუნაიტედის" ხელმძღვანელობა კვლავინდებურად უცხადებს ნდობას გუნდის მთავარ მწვრთნელ ლუი ვან გაალს, - იუწყება The Times. 8 დეკემბერს, "იუნაიტედმა" "ვოლფსბურგთან" წააგო (2:3), ჩემპიონთა ლიგის ჯგუფში გამოსვლა მესამე ადგილზე დაასრულა და ტურნირს დაემშვიდობა. მიუხედავად ამისა, ინგლისურ კლუბში ჰოლანდიელ სპეციალისტისთვის ახალი კონტრაქტის შეთავაზებაზე ფიქრობენ. ამასთან, ვან გაალს შემადგენლობის გასაძლიერებლად საკმაო თანხას გამოუყოფენ, როგორც იანვარში, ისე ზაფხულის სატრანსფერო ფანჯრის დროს.
შეგახსენებთ, რომ ვან გაალმა "მანჩესტერ იუნაიტედთან" კონტრაქტი 2014 წლის მაისში გააფორმა. ინგლისის ჩემპიონატის მიმდინარე სეზონში გუნდი 15 ტურის შემდეგ 29 ქულით მეოთხე ადგილზეა.
