კვირას "ტორინომ", სერია A-ს მეორე ტურში, ფრიად შთამბეჭდავი გამარჯვება მოიპოვა - სინიშა მიხაილოვიჩის ბიჭებმა ტურინის "ოლიმპიკოზე" შავი დღე აყარეს "ბოლონიას" - 5:1. თუ იმასაც გავიხსენებთ, რომ ერთი კვირით ადრე, ჩემპიონატის სტარტზე, "გრანატამ" ბოლო წამს დაკარგა მილანიდან ქულის წამოღების შანსი ("როსონერის" მეკარე ჯანლუიჯი დონარუმამ 11-მეტრიანი მოიგერია), უნდა ჩავთვალოთ, რომ გუნდი ამბიციურია და სერია A-ს საშუალო გუნდის სტატუსი აღარ დააკმაყოფილებს - სადღაც უფრო ზემოთ, ევროზონას დაუმიზნებს.
ასეთ დროს იტყვიან ხოლმე - მადა ჭამაში მოდისო და, აგერ, ჯო ჰარტის აგენტი ჯონათან ბარნეტი ამტკიცებს,
როგორც ამბობენ, "მანჩესტერ სიტიმ" წინადადება უკვე მიიღო და ტრანსფერიც დღე-დღეზე განხორციელდება. თუმცა არის გარკვეული პრობლემებიც. ჯერ ერთი, რომ ჰარტს სხვა მთხოვნელებიც ჰყავს და მეორეც - ხელფასი. ინგლისელი "სიტიში" წლიურად 4 მილიონ ევროს იღებდა და ნათელია, რომ "ტორინოს" ამდენის თავი არ აქვს. თუმცა აგენტი დარწმუნებულია, რომ ეს საკითხიც მოგვარებადია.
ყოველდღიური სპორტული გაზეთი "ლელო"
