იტალიურ სპორტულ მედიაში გავრცელებული ინფორმაციის თანახმად, გადაწყვეტილი ამბავია, რომ 3 მარტს "მილანი" ოფიციალურად გადავა ჩინური კონსორციუმის, "სინო ეუროპას" ხელში. შესაბამისად, შეიცვლება კლუბის მენეჯმენტიც და გუნდის ისტორიაში სრულიად ახალი ერა დაიწყება."გაძეტა დელო სპორტის" ცნობით, "მილანის" მომავალმა მესვეურებმა უკვე გაწერეს კონკრეტული გეგმები და მათ შორის, ზაფხულის სატრანსფერო ფანჯრის ბიუჯეტი. თუ ავტორიტეტულ გამოცემას ვენდობით, ჩინელები ზაფხულის ტრანსფერებისთვის საერთო ჯამში 130 მილიონ ევროს დახარჯავენ. პლუს, რამდენიმე ფეხბურთელი ტრანსფერზე დადგება და მათ სანაცვლოდ აღებული თანხაც ასევე სატრანსფერო ბაზარზე დაიხარჯება. ითქვა ისიც, რომ სავარაუდოდ, "მილანი"
აქვე ვთქვათ, რომ 3 მარტამდე ჩინურმა კონსორციუმმა სილვიო ბერლუსკონის კომპანიას, "ფინინვესტს" კიდევ 320 მილიონი ევრო უნდა გადაუხადოს, რის შემდეგაც კლუბის საკონტროლო პაკეტის გადაბარების პროცედურა საბოლოოდ დასრულდება.
შეგახსენებთ, რომ ეს პროცედურა უსაშველოდ გაიწელა დროში, მაგრამ, როგორც ჩანს, ახლა ყველაფერი მართლა დასრულდება. დიდი "წვლილი" სილვიო ბერლუსკონისაც მიუძღვის, რომ საქმე აქამდე გაჯანჯლდა. ბერლუსკონის აშკარად არ ეთმობა კლუბი, მაგრამ ვერც უმაღლეს დონეზე მისი მოვლის თავი აქვს.
ყოველდღიური სპორტული გაზეთი "ლელო"
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
