"ვილიარეალის" 25 წლის თავდამსხმელი ჯუზეპე როსი ჯერ კიდევ ტრავმირებულია და მკურნალობის პროცესს გადის. როგორც ექიმები იუწყებიან, როსი სარეაბილიტაციო პერიოდს თებერვლის ბოლოს დაასრულებს და მარტიდან თამაშსაც შეძლებს.
ჯუზეპეს დიდი ხანია, ესპანეთის დატოვება და იტალიაში გადაბარგება სურს - მიზანთან ახლოსაც იყო, როდესაც "იუვენტუსის" მესვეურებთან აწარმოებდა მოლაპარაკებებს, მაგრამ ყველაზე მნიშვნელოვან მომენტში უმძიმესი ტრავმა მიიღო.
როსი იმედს არ კარგავს, რომ ამ ზამთარს მაინც შეძლებს რომელიმე იტალიურ გუნდში გადაბარგებას - ამის შესახებ კომენტარი მისმა პირადმა აგენტმა ფედერიკო პასტორელომ გააკეთა:
"როსის რეაბილიტაციის პროცესი კარგად მიმდინარეობს და
მესმის, რომ ტრავმირებული ფეხბურთელის გადაბირებისგან ხშირად თავს იკავებენ, მაგრამ აქ ჯუზეპე როსიზე გვაქვს საუბარი, განსაკუთრებულად ნიჭიერ ფორვარდზე. კლუბის პრეზიდენტი რომ ვიყო, ჯუზეპეზე აუცილებლად ჩამოვიდოდი ფსონს - ვნახოთ, რა მოხდება ამ ზამთარს".
ყოველდღიური სპორტული გაზეთი "ლელო"
