"ინტერის" ოფიციალური ვებგვერდის მიერ გავრცელებული ინფორმაციის თანახმად, ტრავმირებული ნახევარმცველები ვესლი სნეიდერი და ფილიპე კოუტინიო სრულად გამოჯანმრთელდნენ. ასე რომ, თუ ანდრეა სტრამაჩონი მოისურვებს, მათ გამოყენებას ამავე უქმეებზე შეძლებს.შეგახსენებთ, რომ 29 წლის სნეიდერმა მიმდინარე სეზონში სულ 5 მატჩი გამართა, ძირითადად, ტრავმირებული გახლდათ და "ინტერმაც" ცნობილი გამარჯვებების სერია მის გარეშე გამოაცხო.
რაც შეეხება 20 წლის კოუტინიოს, ის "პარტიზანთან" პაექობაში დაშავდა, იქამდე კი, ძირითადად, შეცვლებზე თამაშობდა. ბრაზილიელმა მიმდინარე სეზონში ყველა ტურნირზე 12 მატჩი გამართა და 3 გოლი გაიტანა.
ვნახოთ, გამოიყენებს თუ არა სტრამაჩონი
ყოველდღიური სპორტული გაზეთი "ლელო"
