მილანის "ინტერის" მთავარმა მწვრთნელმა ანდრეა სტრამაჩონიმ მზადყოფნა გამოთქვა იტალიის ჩემპიონატის 30-ე ტურის მატჩისთვის, სადაც მისი გუნდი ტურინის "იუვენტუსს" დაუპირისპირდება.შეგახსენებთ, რომ "ინტერმა" იტალიის მოქმედი ჩემპიონი პირველ წრეში ანგარიშით 3:1 დაამარცხა.
მაშინ "ინტერის" თავკაცმა მოედანზე სამი ფორვარდი შეიყვანა, რითაც მეტოქე გააკვირვა. "ნერაძურიმ" ტურინელთა 49-მატჩიანი წაუგებელი სერია შეწყვიტა.
"ინტერსა" და "იუვენტუსს" შორის მატჩი სხვა შეხვედრებს არ ჰგავს. ბოლომდე დავიხარჯებით, რომ კარგად ვითამაშოთ და მეტოქე დავამწუხროთ. ჩვენი გუნდი ბოლომდე მზადაა", - თქვა სტრამაჩონიმ.
შეგახსენებთ, რომ გუნდებს შორის შეხვედრა 30 მარტს მილანში გაიმართება.
მომზადებულია
