სერია A-ს გასულ ტურში "ბოლონიამ" მორიგი მარცხი იწვნია და ამჯერად ჩემპიონატის აუტსაიდერთან, "კატანიასთან" შერცხვა. ეს ბოლო წვეთი აღმოჩნდა კლუბის მესვეურებისთვის, რომლებმაც გუნდის მთავარი მწვრთნელის პოსტიდან სტეფანო პიოლი გაათავისუფლეს. 48 წლის სპეციალისტი 2011 წლიდან ედგა "ბოლონიას" სათავეში და ამ პერიოდში მისი საუკეთესო შედეგი სატურნირო ცხრილში მეცხრე ადგილი იყო. დღეისთვის "როსობლუ" მე-17 პოზიციაზეა და გასავარდნ ზონამდე მხოლოდ ერთი ქულა აშორებს.
უკვე გაცხადდა იმ მწვრთნელის ვინაობა, რომელიც პიოლის ადგილს დაიკავებს. "ბოლონიას" მთავარი მწვრთნელი დავიდე ბალარდინი გახდება, 50 წლის სპეციალისტი, რომელიც ბოლოს "ჯენოას" ედგა
ყოველდღიური სპორტული გაზეთი "ლელო"
