"მილანი" ახალი მთავარი მწვრთნელის ძიებაშია, იმ შემთხვევაში, თუ ამჟამინდელ თავკაცს, ფილიპო ინძაგის დაემშვიდობება.Sky Sport Italia-ს ცნობით, უახლოეს დღეებში 41 წლის იტალიელ სპეციალისტს თანამდებობას დაატოვებინებენ და სეზონის ბოლომდე მის მოვალეობას "მილანის" მეორე მწვრთნელი, მაურო ტასოტი შეასრულებს.
აღსანიშნავია, რომ ზაფხულში "მილანი" "ფიორენტინას" თავკაცის, ვინჩენცო მონტელას გადაბირებას შეეცდება.
წყაროს ინფორმაციით, მილანელები იტალიის ნაკრების მთავარი მწვრთნელის, ანტონიო კონტეს კანდიდატურასაც კი განიხილავენ.
ადრე კი ვრცელდებოდა ცნობები, რომ ინძაგის შემცვლელად "როსონერი" ლუჩანო სპალეტის და ჩეზარე პრანდელის მოიაზრებდა.
![ჩემპიონთა ლიგა. V ტური: კაშიას კარგი მატჩი "მილანთან" და "სლოვანის" დასანანი მარცხი [VIDEO]](/pictures/image7/d37c86c903a4fbc98a3536f51227adea.jpg "ჩემპიონთა ლიგა. V ტური: კაშიას კარგი მატჩი \"მილანთან\" და \"სლოვანის\" დასანანი მარცხი [VIDEO]")
