* პირველი წრის 19 მატჩიდან 10-ში "ნაპოლი" ერთი და იგივე სასტარტო შემადგენლობით გავიდა მინდორზე: რეინა - ჰისაი, ალბიოლი, კულიბალი, გულამი - ალანი, ჰამშიკი, ჟორჟინიო - ინსინიე, კალეხონი, იგუაინი.* "უდინეზეს" ვეტერან შემტევ ანტონიო დი ნატალეს უკვე 9 ტურია, არ გაუტანია, რაც მისთვის ყველაზე ხანგრძლივი უგოლო სერიაა 2006 წლის შემდგომ.
* ლორენცო პაშიუტი გახდა ფეხბურთელი, რომელსაც ახლა უკვე ყველა დონეზე აქვს გატანილი გოლი "კარპის" მაისურით - სერია D-დან დაწყებული, სერია A-თი დასრულებული.
* "ფირენტინასა" და "ლაციოს" შეხვედრაში (1:3) ოთხივე გოლი დამატებით
* "რომას" "მილანთან" შეხვედრაში მხოლოდ 14 წამი დასჭირდა იმისთვის, რომ მეტოქის კარში პირველად დაერტყა და 228 წამი იმისთვის, რომ გაეტანა. თუმცა "გლადიატორებმა" საბოლოოდ ვერ მოიგეს - 1:1.
* ფრანჩესკო ტოტიმ სერია A-ში თავისი 592-ე შეხვედრა ჩაატარა, რითაც ჯანლუკა პალიუკას გაუთანაბრდა. მხოლოდ პაოლო მალდინისა და ხავიერ ძანეტის აქვთ იტალიის ჩემპიონატში უფრო მეტი შეხვედრა ჩატარებული.
* "ინტერმა" მეცხრედ დაასრულა პირველი ტაიმი უგოლოდ, წინა 8 შემთხვევიდან "ნერაძურის" 5 მოგება და 3 ფრე ჰქონდა, ამჯერად კი დამარცხდა.
* "ინტერის" 19 მატჩიდან 10-ში საბოლოო ანგარიში 1:0 გახლდათ, მილანელებს 9-ჯერ ჰქონდათ ამ ანგარიშით მოგებული, ახლა კი თავად წააგეს "სასუოლოსთან". 2013 წლის შემდეგ გუნდი პირველად დამარცხდა მიყოლებით ორ საშინაო თამაშში.
* "ნაპოლი" პირველის წრის გამარჯვებული ან, თუ გენებოთ, "ზამთრის ჩემპიონი" უკანასკნელად 1989/90 წლების სეზონში გახდა. მაშინ "ვეზუვიანიმ" საბოლოოდაც იზეიმა ჩემპიონობა.
* წინა 9 სეზონს თუ გადავხედავთ, სერია A-ს ის გუნდი იგებდა, რომელიც 19 ტურის მერე პირველზე იყო.
* სერია A-ს ისტორიაში "ვერონა" გახდა მე-5 გუნდი, რომელმაც პირველი 19 მატჩი მოუგებლად ჩაატარა. წინა ოთხი საბოლოო ჯამში გავარდა კიდეც.
* "სამპდორიასა" და "იუვენტუსის" შეხვედრის პირველ ტაიმში გენუელები "იუვეს" ნახევარზე ბურთს მხოლოდ 2-ჯერ შეეხნენ...
* "ბებერმა ქალბატონმა" ზედიზედ მე-9 გამარჯვება მოიპოვა და მე-2 ადგილზე გადავიდა. 9 ტურის წინ ტურინელები მე-12 პოზიციაზე იყვნენ.
* 2005/06 წლების სეზონის მერე პირველად დაფიქსირდა, რომ სერია A-ს ტურში სტუმარმა გუნდებმა 8 მატჩი მოიგეს.
* მიმდინარე სეზონში ყველაზე მეტი (328) დარტყმა და ყველაზე მეტი (10276) პასი ჯერჯერობით "ნაპოლიზე" მოდის.
* ამ სეზონში ფელიპე ანდერსონს 5-ივე გოლი ბოლო 30 წუთში აქვს გატანილი.
ყოველდღიური სპორტული გაზეთი "ლელო"
