ტურინის "იუვენტუსი" ნახევარმცველ პოლ პოგბას სანაცვლოდ მადრიდის "რეალისგან" 150 მლნ ევროს ითხოვს. ამის შესახებ გამოცემა Corriere dello Sport იუწყება. საფრანგეთის ნაკრების 22 წლის ფეხბურთელის გადაბირებით ასევე დაინტერესებულნი არიან "მანჩესტერ სიტი" და "პარი სენ-ჟერმენი".
მანამდე გავრცელდა ცნობა, რომ პოგბას თავის გუნდში ხილვა ძალიან სურს მადრიდელთა თავკაც ზინედინ ზიდანს, თუმცა თავად ფეხბურთელს თვალი უფრო "ბარსელონისკენ" უჭირავს.
